काठमाडाैं- मुस्लिमहरुको महान पर्व इदका दिन ‘राधेः द मोस्ट वान्टेड’ र ‘सत्यमेव जयते २’ रिलिज हुने भएकाे छ। सलमान खानले ‘राधेः द मोस्ट वान्टेड’ आगामी मे १३ अर्थात् इदमै रिलिज हुने घोषणा गरेका हुन्।
यो फिल्म गतवर्षको इदमै रिलिज हुने घोषणा गरिएकाे थियाे। तर भारतमा काेराेना संक्रमण राेकथामका लागि लगाइएकाे लकडाउनकाे कारण हलहरु बन्द गरिएकाे थियाे। त्यही समय डिजिटल प्यालटफर्म रिलिज गरिने हल्ला चलेपनि हलबाट जति आम्दानी नहुने भन्दै रिलिज डेट एकवर्ष पछाडि सारिएकाे थियाे।
यता अर्का अभिनेता जोन अब्राहमले सलमानले रिलिज गर्न लागेकै दिन ‘सत्यमेव जयते २’ रिलिज गर्ने जानकारी दिएका छन्।इन्स्टाग्राम पोस्ट एक पाेष्ट गर्दै उनले फिल्म इदमै रिलिज गर्न लागेकाे जानकारी दिएका हुन्।
लामाे समयपछि खुलेका हलहरुमा दुई अभिनेताकाे एकै पटक फिल्म रिलिज गरिँदा दर्शक बाँढिने भएका छन्। यसले दुबैलाई हानी गर्ने निश्चित छ। तर जाेनले सलमानकाे फिल्म इदमै रिलिज हुन्छ भन्ने थाहा हुँदा हुँदै ‘सत्यमेव जयते २’ जुधाएका हुन्।
यसअघि सलमानले आफ्नाे फिल्म इदकै दिन पारेर रिलिज गर्दै आएका थिए। यता सलमानले रिलिज डेट नसार्ने बताएका छन्। जाेनले पनि रिलिज डेट सार्न तयार नरहेकाे बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
