पर्यटन-उड्डयन

काठमाडौंमा बहराइनी राजकुमारको टोली [फोटोफिचर]

काठमाडाैं- बहराइनका राजकुमार सेख मोहम्मद अमाद अल कोलिफासहितको १६ जनाको टोली सगरमाथा आरोहणका लागि नेपाल आइपुगेकाे छ। यो आरोहण टोली बहराइन डिफेन्स फोर्सको सैन्य जहाज चढेर साेमबार नेपाल आइपुगेको हो।

कोरोना भाइरसको संक्रमणपछि सगरमाथा आरोहणका लागि नेपाल आएको यो पहिलो टोली हो।

टोलीमा बहराइन रोयल गार्ड (डिफेन्स फोर्स)मा कार्यरत १३ बहराइनी तथा ३ बेलायती नागरिक छन्। याे टाेली ७९ दिन नेपालमा रहने जनाइएको छ। टोलीले सन् २०२० अक्टोबरमा लोबुचे पिक र मनास्लु हिमाल सफलतापूर्वक आरोहण गरेको थियो।

राजकुमारसहितको आरोही टोली सात दिनको होटेल क्वारेन्टाइनपछि गोरखाको सामागाउँ गएर ५ दिन बस्ने छ। टोलीले कोरोना भाइरसविरुद्धको खोपसमेत लिएर काठमाडौंमा अवतरण गरेको हो।

गोरखाको चुमनुब्री गाउँपालिकास्थित समागाउँका बासिन्दाका लागि टोलीले खोप ल्याएको हो।