यसरी चल्यो ट्वीटरमा ‘अजय देवगण कायर हो’ काे ट्रेन्ड

सिनेमा

नेपाल लाइभ बुधबार, फागुन १९, २०७७ १७:४६

काठमाडाैं– भारतमा लामो समयदेखि तीन नयाँ कृषि कानूनविरुद्ध किसानहरूको आन्दोलन जारी छ। बलिउडका कतिपय कलाकारले यस विषयमा खुलेर आफ्नाे विचार दिएका छन् भने कतिपयले केही बोल्न सकेका छैनन्।

बलिउडका कलाकारले यो बिषयमा साथ नदिएको भन्दै उनीहरु आक्रोशित छन्। मंगलबार बिहान लगभग साढे १० बजे एउटा भिडियो सामाजिक संजालमा भाइरल भयो। भिडियोमा थिए नायक अजय देवगण।

उनी फिल्मको शूटिङका लागि फिल्मसिटी गइरहेका थिए। फिल्मसिटीको गेटमा पुग्नै लाग्दा उनको कार रोकेर २८ वर्षका राजदिप सिंह नाम गरेका एक युवकले यस विषयमा किन मौन बसेको भन्दै प्रश्न गरे।

उनले सोधेका थिए, ‘किसानहरूले आन्दोलन गरेको १०० दिनभन्दा बढी भइसकेको छ। उनीहरूको समर्थनमा किन एउटा पनि ट्वीट नगरेको?’

राजदिपले अजयलाई कृषकहरुको आन्दोलनमा किन साथ नदिएको भन्दै लाज मान्न भनेका छन्। तर युवकको प्रश्नमा उनले कुनै प्रतिक्रिया दिएनन्।

करिब १५ मिनेट अजयको कार त्यहीँ ठडियो। त्यसपछि हल्लाखल्ला भयो। प्रहरी आएर अजयलाई बाहिर निकाले।

पछि प्रहरीले राजदिपलाई पक्राउ गर्‍यो। अजयका वडिगार्डले प्रहरीमा उजुरी दिएपछि राजदिप पक्राउ परेका हुन्। उनलाई प्रहरीले मुद्दा चलाउने तयारी गरेको छ।

यता युवकले अजयसँग किसान आन्दोलनको कुरा गर्न मात्र चाहेको प्रत्यक्षदर्शीहरूले बताए। यस घटनापछि सामाजिक सञ्जालमा ‘अजय देवगण कायर हो’ भन्दै ट्रेन्ड चलेको थियो।

यता केही समय अगाडि पनि नायिका जान्हवी कपुरको नयाँ चलचित्रको छायांकनमा कृषकहरुले अवरोध खडा गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश

सर्वोच्चद्वारा अन्तरिम आदेश अस्वीकार: केयूको भीसीमा एमडी/एमएस मात्रै गरेका डाक्टरले आवेदन दिन नपाउने