काठमाडौं- भारतीय जनता पार्टी (बिजेपी) का नेता सुब्रमण्यन स्वामीले प्रधानमन्त्री केपी शर्मा ओली ‘घर न घाट’ को अवस्थामा पुगेका बेला भारतले चतुर राजनीतिक कदम चाल्नुपर्ने बताएका छन्।
राज्य सभाका सदस्य रहेका स्वामीले बिहीबार सामाजिक सञ्जालमा भारतले त्यसो गर्न नसके चीनले नेपालमा चलखेल बढाउने खतरा रहेकाे दावीसमेत गरेका छन्।
‘ओली उनकै कदमका कारण अहिले ‘घर न घाट’को अवस्थामा पुर्याएकाे बेला चिनियाँ प्रभावलाई राेक्न भारतले केही गर्नैपर्छ,’ उनले भनेका छन्, ‘चिनियाँहरुले भूमिका बढाउने नै छन् त्यसैले सन्तुलन कायम राख्न भारतले निकै चतुर राजनीतिक चाल चाल्नुपर्छ।’
सर्वोच्च अदालतकाे मंगलबारकाे आदेशबाट प्रतिनिधि सभा पुनर्स्थापना भएपछि नेपालमा नयाँ सरकार गठनका लागि दाैडधुप सुरु भइरहेका बेला उनको यो भनाइ आएको हो।
बिजेपीका केन्द्रीय कार्यसमिति सदस्य रहेका उनले नेपाल 'संभवतः अब लोकतान्त्रिक अवस्थामा फर्किने र गठबन्धन सरकार बन्ने' विश्वास व्यक्त गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1791537767.jpeg)
-1786602170.png)
