काठमाडौं– राष्ट्रिय खेलकुद परिषद् खेलकुद चिकित्सा तथा अध्ययन केन्द्रमा बिज्ञका रुपमा कार्यरत डा. ज्ञानेन्द्र बिक्रम शाह नेपालको तर्फबाट दक्षिण एशियाली क्षेत्र एन्टिडोपिङ अर्गनाइजेशनको बोर्ड सदस्यमा मनोनित भएका छन्।
शाहलाई सन् २०२० देखि २०२४ सम्म ४ वर्षका लागि उक्त बोर्डमा मनोनयन गरिएको युवा तथा खेलकुद मन्त्रालयका उपसचिव प्रेमराज खरेलले जनाएका छन्।
डा. शाहले उक्त बोर्डमा बस्दा नेपालमा एन्टिडोपिङसम्वन्धि गतिबिधिहरुको अध्ययन अनुसन्धान, प्रचारप्रसार गर्नुका साथै उक्त संस्थाले गरेका एन्टिडोपिङसम्बन्धि कार्यहरुको नियमित अध्यावधिक प्रतिवेदन मन्त्रालयलाई प्रस्तुत गर्नुपर्नेछ।
नेपालमा हालसम्म पनि एन्टिडोपिङको कुनै संस्था नभएका कारण उक्त कार्यहरु नेपाल ओलम्पिक कमिटिमार्फत हुँदै आएको छ।
एन्टिडोपिङको संस्था संचालन गर्न निकै ठूलो धनरासी आवश्यक पर्ने भएका कारण संस्था स्थापनामा ढिलाइ भइरहेको बताइन्छ।
यस्तै डा. शाहले आफू अन्तराष्ट्रिय भारोत्तोलन महासंघको एन्टिडोपिङ कमिसनको सदस्यमा समेत मनोनित भएको बताएका छन्। आफूलाई महासंघले विश्वभरिका आफ्ना सदस्य राष्ट्रहरुको कार्यक्षमताको आधारमा नेपालको तर्फबाट चयन गरेको उनको भनाइ छ। १८० भन्दा बढि राष्ट्रमा कार्यरत यो संस्थामा नेपालको यो पहिलो सहभागिता हो।
हाड तथा जोर्नी विज्ञ डा. शाह वीर अस्पतालको ट्रमा सेन्टरमा समेत कार्यरत रहँदै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
