प्रतिकात्मक तस्बिर।
काठमाडौं- विद्यार्थीलाई होटलमा लगेर परीक्षा लिई बलात्कार प्रयासको आरोप लागेका शिक्षक जेल चलान भएका छन्। शिक्षक शिरिषकुमार बस्ताकोटीलाई जिल्ला अदालत कास्कीले बिहीबार पुर्पक्षका लागि जेल चलान गरेको हो।
राष्ट्रिय माध्यामिक विद्यालय बगर, पोखरामा अध्ययनरत एक छात्रा कक्षा ११ को ऐच्छिक अङ्ग्रेजी र शैक्षणिक विधि विषयमा फेल भएकी थिइन्। उक्त विषयको मौका परीक्षा गत मंसिर १२ गते भएको थियो।
त्यसबेला शिक्षक बस्ताकोटीले ती छात्रालाई आफ्नो मोटरसाइकलमा राखेर रूपा गाउँपालिका–६ रूपाताल जमुनकुनास्थित् रामबहादुर केसीले सञ्चालन गरेको केसी होटलमा लगेका थिए। कोठाको चुकल लगाएर बियर मासु मगाएर बस्ताकोटीले खाएका थिए। पछि ती छात्राको संवेदशील अंगलमा छुन, यौन दुर्व्यवहार गर्ने र जबरजस्ती करणी समेत गर्न खोजेका थिए। त्यसपछि ती छात्रा चुकुल खोलेर फरार भएकी थिइन्।
उक्त घटना झण्डै २ महिनापछि सार्वजनिक भएको थियो। त्यसपछि जिल्ला प्रहरी कार्यालय कास्कीले शिक्षक बस्ताकोटीलाई पक्राउ गरी अनुसन्धान समेत सुरु गरेको थियो। प्रहरी अनुसन्धान र अदालतमा बयानको क्रममा शिक्षक बस्ताकोटीले आफूमाथि लागेको आरोपको इन्कारी बयान दिएका थिए।
आफू त्यसबेला परीक्षा निरीक्षकको रुपमा खटिएर काम गरेको, घटना भएको भनिएको अघिल्लो दिन सोही विद्यालयका शिक्षक एवं सहायक केन्द्राध्यक्ष घनश्याम रेग्मीले अहिले पीडित भनिएकी छात्रालाई जसरी पनि पास गराइदिनुछ रेष्टुरेन्टमा लेगेर परीक्षा दिने वातावरण बनाउनु भनेकाले सोही अनुसार परीक्षा दिन लगाएको उनको दाबी छ।परीक्षा सकिएपछि दुबै जनाले खाजा खाएर फर्किएको र उनको घरमै पुर्याएर आमको जिम्मा लगाएको घटनालाई बलात्कार प्रयास भन्न नमिल्ने बस्ताकोटीको दाबी बयान थियो। होटलमा लगेर परीक्षा दिन लगाएको भन्ने समाचार सार्वजनिक भएपछि परीक्षा खारेज हुने भएकाले आफूलाई फसाउने उद्देश्यले झुटा आरोप लगाएको भन्दै शिक्षकले बयान दिएका थिए।
तर, घटनास्थल मुचुल्का, पीडित पक्षको बयान, आरोपितबाट समेत होटलमा लगेर परीक्षा लिएको भन्ने भनाइलगायतबाट शिक्षक बस्ताकोटीले जबरजस्ती करणी प्रयास गरेको हुनसक्ने आधार केलाउँदै जिल्ला अदालत कास्कीले बिहीबार बस्ताकोटीलाई पुर्पक्षका लागि जेल चलानउने आदेश गरेको हो।
अदालतका न्यायधीश श्रीकृष्ण भट्टराईको इजलासले बस्ताकोटीलाई पुर्पक्षका लागि कारागार पठाउन आदेश दिएसँगै जिल्ला काराकार कास्की पठाइएको कास्की प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
