राजनलाई पहिलो सफलता

अन्य

राजनलाई पहिलो सफलता

नेपाल लाइभ मंगलबार, माघ २७, २०७७ १२:१३

काठमाडौं- राजन गुरुङले प्रथम चक्र लामा/किसन लामा राष्ट्रव्यापी खुला स्नुकर प्रतियोगितामा पहिलो खेल जितेका छन्। बौद्धनाथ विकास समिति र बौद्धनाथ तामाङ कल्याण गुठीद्वारा संयुक्त रुपमा आयोजित प्रतियोगितामा राजनले प्रभास मगरलाई ३-२ ले पराजित गरेका हुन्।

बौद्धस्थित अजिमा स्नुकर हाउसमा भइरहेको प्रतियोगितामा राजन लामाले कमल लामालाई ३-२, नरेश कर्माचार्यले विप्लव भण्डारीलाई ३-१, कृतेश ज्ञवालीले प्रशान्त वज्राचार्यलाई ३-१, निश्चलले कान्छालाल वाइबालाई ३-०, बले लिम्बूले अभिमन्यु धिमाललाई ३-२, राजकुमार तामाङले सुशान्त श्रेष्ठलाई ३-१ र मन्दिप कटुवालले राकेश श्रेष्ठलाई ३-१ ले हराए।

पुरस्कार राशी र खेलाडी सहभागिताका हिसाबले प्रतियोगिता नेपाली स्नुकर इतिहासकै सर्वाधिक ठूलो मानिएको छ। प्रतियोगितामा २ सय ५६ खेलाडी सहभागी छन्।
प्रतियोगितामा सर्वाधिक १ सय ४७ अंक ब्रेक गर्नेलाई १० लाख नगद पुरस्कार प्रदान गरिने छ। सेन्चुरी ब्रेककर्तालाई २ लाख १ हजार तथा सर्वाधिक ब्रेककर्तालाई २१ हजार ५ सय नगद पुरस्कार दिइने छ। उत्कृष्ट खेलाडीले ११ हजार ५ सय नगद पुरस्कार प्राप्त गर्ने छन्।

विजेताले २ लाख ११ हजार ५ सय तथा उपविजेताले ९० हजार नगद पुरस्कार पाउने छन्। तेश्रो हुने दुई खेलाडीले ३० हजार तथा क्वाटरफाइनलिस्ट चार जनालाई जनही १० हजार ५ सय नगदबाट पुरस्कृत गरिने छ। प्रिक्वाटरफाइनलिस्टलाई गिफ्ट ह्याम्पर स्वरुप किउ र किउ बक्स प्रदान गरिने आयोजनकले जनाएका छन्।

त्यस्तै उदीयमान खेलाडी तथा अनुशासित खेलाडीलाई ११ हजार ५ सय नगद पुरस्कार प्रदान गरिने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

तीनकुने घटना: संयुक्त जनआन्दोलन समितिका सल्लाहकार सेढाई पक्राउ

एयर होस्टेसलाई बदनियतपूर्वक छुने यात्री विमानस्थलबाटै पक्राउ

नीति तथा कार्यक्रममाथि ३७ संशोधन प्रस्ताव