काठमाडौं- नेकपा (प्रचण्ड–माधव समूह) अध्यक्ष पुष्पकमल दाहाल ‘प्रचण्ड’ले प्रतिनिधि सभा विघटन विरुद्ध भएको विरोध प्रर्दशनको सहभागिताले उत्साह थपेको बताएका छन्।
अखिल नेपाल किसान महासंघको बैठकमा बोल्दै प्रचण्डले पार्टीले मेहनत कम गरेपनि विरोध प्रर्दशनमा उत्साहप्रद सहभागिता रहेको बताएका हुन्।
‘सुखद् कुरा के लागेको छ भने हामीले कम मेहनत गरेपनि विरोध प्रर्दशनमा उपस्थिति बृहत् छ। धनगढीमा त धनगढी पूरै ढाक्ने गरी जनताको सहभागिता भयो,’ सम्बोधनका क्रममा अध्यक्ष प्रचण्डले भने।
ओलीले जनताको मुटुमा छुरा प्रहार गर्ने गरी प्रतिगमन रोजेको उनले आरोप लगाए। विराटनगर, बुटबल र धनगढीमा भएको प्रर्दशनको सहभागिताप्रति खुसी व्यक्त गरे।
पार्टी एकतामा प्रधानमन्त्री केपी शर्मा ओलीले बन्चरो प्रहार गरेको सबैले बुझेको उनको तर्क छ। ‘सबै तह तप्कामा चेतना आएको छ। ओली एक्लिएका छन्। उनका गुटका मान्छे बाहेक सिंगो देश प्रतिगमन विरुद्ध छ,' अध्यक्ष प्रचण्डले भने, 'कृषि क्षेत्रमा विदेशी लगानी भित्र्याउने सरकारी निर्णयको विरोध गर्दै ओली सरकार किसानविरोधी भएको आरोप लगाए। नेपाली किसानलाई असहाय बनाउने कार्य भएको छ। विदेशी दलाललाई पोस्ने गरी अघि ल्याइएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
