काठमाडौं- प्रधानमन्त्री केपी शर्मा ओलीले 'पूर्वजनमुक्ति सेना'का कमान्डरहरूसँग भेट गरेका छन्। शनिबार दिउँसो प्रधानमन्त्री निवास बालुवाटारमा ओलीले उनीहरूसँग भेट गरेका हुन्।
भेटमा ओलीले 'जनमुक्ति सेना'को योगदान, त्याग, बलिदान र क्रान्तिको सपनाको तत्कालीन माओवादी अध्यक्ष पुष्पकमल दाहाल 'प्रचण्ड'ले दुरुपयोग गरेको आरोप लगाए। आफूले 'पूर्वजनमुक्ति सेना'को भावना र समस्या बुझेको बताउँदै समस्याको राजनीतिक रुपमा समाधान गर्ने आश्वासनसमेत दिएका छन्।
'जनयुद्धको अवधिमा तपाईंहरूको योगदान, त्याग, बलिदान र क्रान्तिको सपनाप्रति सम्मान छ। नेतृत्वले तपाहरूका भावनाको दुरूपयोग गर्यो। हामी राजनीतिक रूपमा समस्याको वास्तविक समाधान गर्छौं। नेतृत्वबाट विगतमा जस्तो धोका पाउनुहुने छैन,' उनले भने।
प्रधानमन्त्री ओलीले नेकपाको प्रचण्ड-नेपाल समूहले समस्या समाधान नगर्ने बुझेरै आफूकहाँ आउने निर्णय गर्नु सही रहेको पनि उनीरहरूलाई बताएका थिए। उनले भने, 'तपाईंले जुन तथ्य बुझेर यस्तो निष्कर्षमा आइपुग्नुभयो, यो एकदमै सही छ।'
केही दिनअघि मात्र गृहमन्त्री रामबहादुर थापा बादलले पनि 'पूर्वजनमुक्ति सेना'का कमान्डरहरूसँग भेट गरेका थिए। गृहमन्त्री थापाकै पहलमा 'पूर्वजनमुक्ति सेना'का कमान्डरहरू र प्रधानमन्त्री ओलीबीच भेट भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-(1)-1780050232-1780050718.jpeg)
-1764146706.png)
-1779545841.jpg)
