मुम्बई–बलिउड कलाकार सयानी गुप्ता र हुसेन दलालको अभिनय रहेको फिल्म ‘सेमलेस’ लगातार चर्चामा छ। फिल्म यो वर्ष हुने ९३ औं ओस्कार अवार्डमा समेत प्रवेश गरेको छ।
लामो समयको पर्खाईपछि फिल्मको ट्रेलर सार्वजनिक गरिएको छ, जसले सामाजिक सञ्जाल तताएको छ।
फिल्मको ट्रेलरमा हुसेनलाई फुड डेलिभरी गर्नेलाई सताउने मानिसको रुपमा देखाइएको छ। डेलिभरी गर्लको भूमिकामा सयानी छिन्। त्यसो त, ट्रेलरमा कथाका बारेमा खासै खुलाइएको छैन। तर यसको ओस्कार प्रवेशले कलाकारलाई निकै खुसी दिलाएको छ।
अनन्या पाण्डे, राजकुमार राव, सिद्धार्थ चतुर्वेदी, ऋतिक रोशन र आयुषमान खुराना लगायतले सेमलेस ओस्कारमा गएपछि सामाजिक सञ्जालमा खुसी व्यक्त गरेका छन्। यी सबै कलाकारले इन्टाग्रामको स्टोरीलाईनमा फिल्मका बारेमा लेखेका छन्।
अनन्या पाण्डेले फिल्मको पोष्टर र ट्रेलर पोष्ट गरेको ठाउँमा गएर ऋतिकले लेखेका छन्–प्रस्तुत छ सेमलेसको ट्रेलर, सबैलाई गुडलक।
अर्का अभिनेता आयुषमान खुरानाले टे«लर पोष्ट गर्दै लेखेका छन्–कस्तो कमालको ट्रेलर। राजकुमार रावले फिल्म निर्माण टोलीलाई शुभकामना दिएका छन्।
त्यस्तै सिद्धार्थ चर्तुवेदीले लेखेका छन्–ट्रेलर कमालको लागिरहेको छ। यसैका कारण फ्रान्समा पनि फिल्मलाई लिएर निकै उत्साह बढिरहेको छ। तर हेर्न बाँकी छ कि, यसलाई भारतीय दर्शकले कहिले हेर्न पाउने हुन्?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
