'रेड वाइन'को नाम परिवर्तन

सिनेमा

नेपाल लाइभ सोमबार, पुस २०, २०७७ १५:३७

काठमाडौं- फिल्म ‘रेड वाइन’ले नाम परिवर्तन गरेको छ। फिल्मको नाम परिवर्तन गरी ‘तिम्रो मेरो साथ’ बनाइएको हो। समयको माग र दर्शकलाई ध्यानमा राख्दै नाम परिवर्तन गरिएको निर्माण पक्षले जनाएको छ।

चलचित्रमा नायक पुष्प खड्का र नायिका साम्राज्ञी राज्यलक्ष्मी शाहको मुख्य भुमिका रहने बताइएको छ। यसै चलचित्रबाट रमेश एम के पौडेलले निर्देशकको रुपमा डेब्यूसमेत गर्दैछन्।

चलचित्रमा पुष्प र साम्राज्ञीसँगै कार्यक्रम प्रस्तोता तथा कलाकार सन्दीप क्षेत्री, हास्य कलाकार खड्गबहादुर पुन (खबपु)लगायतको अभिनय रहनेछ।

चलचित्रको कथा तथा संवाद सविर श्रेष्ठको छ भने निर्माताका रुपमा पासाङ लामा, निरु भण्डारी, सुमन पौडेल र सुधीर पराजुली छन्।

नेपालसँगै अमेरिकामा छायांकन हुने बताइएको फिल्मलाई आर्यन फिल्म्स र बोधी एचडीको संयुक्त ब्यानरले निर्माण गर्न लागेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित