काठमाडौं–नेपाल कम्युनिष्ट पार्टी (नेकपा) का काठमाडौं जिल्ला अध्यक्ष तथा विघटित प्रतिनिधि सभाका सदस्य कृष्ण राईले सूर्य चिह्न केपी ओली पक्षकै रहने दावी गरेका छन्।
काठमाडौंको प्रज्ञा भवनमा आयोजित कार्यकर्ता भेलालाई सम्बोधन गर्दै उनले आफूहरु सडक प्रदर्शन वा आन्दोलनमा नजाने पनि प्रष्ट पारे। उले पार्टीको नाम र चुनाव चिन्ह सूर्य आफूहरुसँग सुरक्षित रहेको दाबी गरे।
‘अर्को समूहले प्रदर्शन गरेपछि हामी पनि प्रदर्शन गरौं भन्ने साथीहरुबाट सुझाव आएको भन्दै उनले प्रदर्शन गरेर माग्ने स्थितिमा आफूहरु नभएको बताए। ‘प्रदर्शनमा आउने रहर हुनेहरुलाई दिने स्थान खाली गरेका छौं। हामी पार्टीको संस्थापन हौं’ राईले भने, ‘हामीले पार्टीको नाम र चुनाव चिन्ह माग्नै पर्दैन, हामीसँगै छ,।’
राईले संसद विघटनविरुद्धमा देशव्यापी प्रदर्शनमा रहेको पुष्पकमल दाहाल ‘प्रचण्ड’–माधव नेपाल पक्षलाई कटाक्ष गर्दै संस्थापन पक्ष जहाँ उभिन्छ सूर्य चिन्ह त्यहीँ हुने बताए। ‘हामी जहाँ छौं, त्यहीँ नेकपा र सूर्य चिन्ह हुन्छ। कोही भ्रममा नपरे हुन्छ’ राईले भने, ‘चोइटिएर गएकाले पार्टीको नाम र चिन्ह पाउँदैन। कहीँ कतै पाएको उदाहरण छैन ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
