काठमाडौं-नेपाल इन्भेष्टमेन्ट बैंकले माघ ८ गते ३४ औं वार्षिक साधारणसभा डाकेको छ। बैंकले साधारणसभामा गत आर्थिक वर्ष २०७६/७७ को मुनाफाबाट ५.५ प्रतिशत नगद लाभांश र १३ प्रतिशत बोनस शेयर जारी गर्ने विशेष प्रस्ताव लैजाँदैछ।
बैंकको हालको चुक्ता पुँजी १४ अर्ब २४ करोड रुपैयाँ रहेको छ। प्रस्तावित बोनस शेयर वितरणपछि चुक्ता पुँजी १६ अर्ब ९ करोड रुपैयाँ कायम हुनेछ। बैंकले प्रस्ताव गरेको लाभांश पुस २१ गतेसम्म कायम शेयरधनीले प्राप्त गर्ने छन्। साधारणसभा प्रयोजनका लागि पुस २२ गतेदेखि साधारणसभा सम्पन्न नभएसम्मको लागि बुक क्लोज गर्दै छ।
बैंकले साधारणसभामा सर्वसाधारण शेयरधनी समूहबाट २ जना सञ्चालकको निर्वाचन गर्ने भएको छ। बोनस शेयर वितरणपछि पुँजी बढ्ने भएकाले अधिकृत पुँजी १८ अर्ब रुपैयाँ कायम गर्ने गरि प्रवन्धपत्र संसोधनको विशेष प्रस्ताव पेश गर्दै छ।
बोनस शेयर वितरणपछि कायम हुने दशमलब पछिको अंक 'फ्र्याक्सन शेयर' का लागि नपुग रकम शेयरधनीबाट लिएर पुरा गर्ने भएको छ। साधारणसभामा बैंकले अन्य कुनै बैंक वा वित्तीय संस्था प्राप्ति गर्ने वा एक आपसमा गाभिने प्रयोजनका लागि उपयुक्त बैंक तथा वित्तीय संस्थाको पहिचान र छनोट गर्ने, समझदारीपत्रमा हस्ताक्षर गर्ने, सोका आधारमा सैद्धान्तिक स्वीकृतिका लागि नेपाल राष्ट्र बैंकसमक्ष निवेदन दिने प्रस्ताव लगिने भएकाे छ।
यस्तै आवश्यकताअनुसार सम्पत्ति तथा दायित्वहरुको मूल्याङ्कन गर्न परामर्शदाता, मूल्याङ्कनकर्ता, तथा लेखापरीक्षकहरुको नियुक्ति गर्ने लगायतका आवस्यक कार्य, प्रकृया पुरा गरि अख्तियारी प्राप्त निकायबाट अन्तिम स्वीकृति लिने तथा सो सन्दर्भमा नियामक निकायहरुबाट निर्देश गरेबमोजिमका विवरण उपलब्ध गराउने लगायतका कार्य गर्न गराउन सञ्चालक समितिलाई पुर्ण अख्तियारी दिने विशेष प्रस्ताव साधारणसभामा लगिने भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1779545841.jpg)
