नाफा बुक गर्दै लगानीकर्ता, ३९.९ अंकले घट्यो नेप्से

बैंक/बिमा/सेयर

नेपाल लाइभ आइतबार, पुस १२, २०७७ १५:२४

काठमाडौं- राजनीतिक घटनाक्रमको असर नेप्सेमा पनि देखिएको छ। लगानीकर्ताले नाफा बुक गर्न थालेका छन्। लगानीकर्ताले नाफा बुक गर्न थालेपछि आइतबार नेप्से सूचक ३९ दशमलव ९८ अंकले घटेको छ। आइतबार प्रि-ओपनिङ सेसनमा ९ अंकले बजार सुधार भए पनि कारोबार खुले पछि भने तल झर्न थालेको हो।

यस सातादेखि अधिकांश वाणिज्य बैंकको बुक क्लोज हुनेछ। बुक क्लोजपछि कम्तीमा पनि बैंकले एक वर्ष लाभांश दिन सक्दैन। बुक क्लोजपछि बैंकको सेयर मूल्यमा गिरावट हुने भएकाले अधिकांश लगानीकर्ताले नाफा बुक गर्न खोजिरहेका छन्। नाफा बुक गर्नु भन्दा सेयर बिक्री गरेर बाहिरिदा घटेको मूल्यमा सेयर किन्ने दाउले पनि दोस्रो बजारमा गिरावट आएको हो।

आइतबार जम्मा २०४ कम्पनीको सेयर कारोबार हुँदा १४८ वटा कम्पनीको सेयर मूल्य घटेको छ भने १६ वटाको मूल्य बढेको छ। बजारमा तीव्र उतारचढाव हुँदा कारोबार रकम ४ अर्ब ४३ करोड रुपैयाँको कारोबार भएको छ। सम्पूर्ण सूचक तथा उपसूचक घटेका छन्। अधिकांश कम्पनीको सेयर मूल्यमा गिरावट हुँदा नारायण डेभलपमेन्ट बैंकको सेयर मूल्य भने बढ्ने क्रममा सर्किट लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकार ढल्ने चर्चा बजार हल्ला मात्रै हो, सकारात्मक दूरगामी महत्वको नीति निर्माणमा हामी सक्रिय छौं : प्रधानमन्त्री ओली

सुन चाँदीको मूल्यमा सामान्य वृद्धि

तत्काल संसद् अधिवेशन आह्वानको माग