कृषि विकास बैंकको १५ प्रतिशत बोनस शेयर घोषणा, सरकारलाई ६ प्रतिशत नगद लाभांश

बैंक/बिमा/सेयर

नेपाल लाइभ सोमबार, मंसिर २९, २०७७ ११:१९

काठमाडौं-कृषि विकास बैंकले गत आर्थिक वर्ष २०७६/७७ को मुनाफाबाट १५ प्रतिशत बोनस शेयर दिने भएको छ। सोमबार बिहान बसेको ८५३ औं सञ्चालक समितिको बैठकले चुक्ता पुँजीको १५ प्रतिशत बोनस शेयर र बोनस शेयरमा लाग्ने कर प्रयोजनका लागि ०.७८ प्रतिशत नगद लाभांशको प्रस्ताव गरेको हो।

सञ्चालक समितिले नेपाल सरकारको हाल कायम भएको फिर्ता नहुने अग्राधिकार शेयर पुँजीमा समेत वार्षिक ६ प्रतिशतले हुने नगद लाभांश रकम प्रदान गर्ने निर्णय गरेको छ। कृषि विकास बैंकमा नेपाल सरकारको अग्राधिकार शेयर ५ अर्ब ४३ करोड रुपैयाँ रहेको छ। यसबापत नेपाल सरकारले ३२ करोड ५८ लाख रुपैयाँ प्राप्त गर्ने छ।

हाल नेपाल सरकारको अग्राधिकार शेयर बाहेकको शेयर पुँजी ९ अर्ब ५५ करोड रुपैयाँ रहेको छ। अहिले प्रस्ताव गरेको बोनस शेयर वितरण पछि बैंकको चुक्ता पुँजी १० अर्ब ९८ करोड रुपैयाँ पुग्नेछ। यसमा नेपाल सरकारको अग्राधिकार शेयर जोडिदा चुक्ता पुँजी १६ अर्ब ४१ करोड रुपैयाँ कायम हुनेछ।

बैंकको सञ्चालक समितिले प्रस्ताव गरेको लाभांश नेपाल राष्ट्र बैंकबाट स्वीकृत भए पछि वार्षिक साधारणसभा बोलाउन सक्ने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वर्णलक्ष्मी सहकारी प्रकरण: काठमाडौं अदालतले पनि दियो रवि लामिछानेलाई धरौटीमा रिहा गर्ने आदेश

रविको विपक्षमा बहस गर्ने कानुन व्यवसायीमाथि आक्रमणको प्रयास, प्रहरीले जोगायो अधिवक्ता त्रिपाठीलाई

सरकारले संविधान र संसद्‌लाई उपेक्षा गरेर सत्ताको दुरुपयोग गरिरहेको छ : माधव नेपाल