काठमाडौं- लगानीकर्ताहरुमा नाफा बुक गर्ने होडबाजीका कारण मंगलबार दोस्रो बजारमा ९ दशमलव ४ अंकले गिरावट आएको छ।
नेपाल राष्ट्र बैंकले सेयर कर्जामा कडाइ गर्ने जनाएसँगै आइतबार ६ प्रतिशतले ओरालो झरेको शेयर बजारमा राष्ट्र बैंकले कडाइ नगर्ने अभिव्यक्ति दिएसँगै सोमबार पुनः दोस्रो बजारमा सुधार देखिएको थियो।
सोमबार बजार सुधार भए पनि आइतबारको घटनालाई विश्लेषण गर्दै कतिपय बाठा लगानीकर्ताले सेयर बिक्री गरिरहेका छन्।
उनीहरुले नाफा बुक गर्दा मंगलबार दोस्रो बजारमा तिव्र उतारचढाव देखिएको छ। तीव्र उतारचढावका बिचमा मंगलबार नेप्से सूचक १९९५ दशमलव ३५ अंकमा रोकिएको छ। जलविद्युत र म्युचुअल फण्डको सूचकबाहेक अन्य सूचकमा गिरावट आएको छ। सबैभन्दा ठूलो अपर तामाकोशीको सेयरलागायत केही जलविद्युत कम्पनीको मूल्यमा सुधार हुँदा यसको सूचक ४.८१ प्रतिशतले वृद्धि भएको छ।
बजारमा तीव्र उचारचढावसँगै कारोबार रकम ५ अर्ब ६७ करोड रुपैयाँमा सीमित भएको छ। गएको साता एकै दिन ९ अर्बभन्दा माथिको कारोबार भइरहेको थियो। बजार अझै सुधार हुन्छ कि भन्ने मनोविज्ञानका कारण केही लगानीकर्ता अझै पर्ख र हेरको अवस्थामा छन्। तत्काल नाफा बुक गरेर बाहिरिने कि अझै केही समय पर्खने भन्ने अस्थिर मनोविज्ञानका कारण बजारमा तीव्र उतारचढाव देखिएको हो।
मंगलबार सबैभन्दा धेरै नारायणी डेभलपमेन्ट बैंकको सेयरमा उछाल आएको छ। बैंकको सेयर १० प्रतिशतले बढेको छ। त्यस्तै अपर तामाकोशीको सेयरमा ४५ रुपैयाँको वृद्धिसँगै ५०४ रुपैयाँको नयाँ रेकर्ड बनेको छ। केही दिनदेखि अपर तामाकोशीको सेयरमा अधिकतम बढ्ने क्रममा सर्किट लाग्दै आएको छ।
जम्मा २०२ वटा कम्पनीको सेयर कारोबार हुँदा ४० वटाको मूल्यमा मात्रै सुधार भएको छ भने १२३ वटा कम्पनीको मूल्यमा गिरावट आएको छ। कतिपय लगानीकर्ताले नाफा बुकसँगै जलविद्युत कम्पनीमा पोर्टफोलियो परिवर्तन गरिरहेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
