अस्तित्वमै नरहेको कस्मिक एयर उद्योग वाणिज्य महासंघको निर्वाचनमा मतदाता

अर्थ समाचार

अस्तित्वमै नरहेको कस्मिक एयर उद्योग वाणिज्य महासंघको निर्वाचनमा मतदाता कस्मिक एयरले अझै तिरेकाे छैन विमानस्थल सेवा शुल्कवापतको सवा ३ करोड बक्यौता

नेपाल लाइभ शुक्रबार, मंसिर ५, २०७७ १२:३९

काठमाडौं–नेपाल उद्योग वाणिज्य महासंघको ५४ औं साधारण सभा अवैध भएको भन्दै स्थगन गर्न काठमाडौं जिल्ला प्रशासन कार्यालय काठमाडौंमा निवेदन परेको छ। संस्थाको विधान र सर्वमान्य सिद्धान्तविपरीत भएको भन्दै निर्वाचन रोक्न माग गर्दै निवेदन परेको हो। उद्योग वाणिज्य महासंघ प्रदेश २ का अध्यक्ष शिवशंकर साहले बिहीबार कठमाडौं प्रशासनमा निवेदन दिएका हुन्। महासंघको निर्वाचन स्थगित गर्न दिएको निवेदनमा गृह मन्त्रालय र प्रधानमन्त्री तथा मन्त्रिपरिषद कार्यालयको सचिवलालयलाई समेत बोधार्थ दिइएको छ।

साहले मतदाता नामावलीमा उल्लेख गरिएको संस्थाको विषयमा प्रश्न उठाएका छन्। महासंघको निर्वाचन कमिटीले सार्वजनिक गरेको महासंघको निर्वाचनमा मतदान गर्ने पाउने संस्थाको सूचीमा अस्तित्वमै नरहेको बन्द एयरलाइन्सको नामसमेत रहेको छ।

मतदाता सूचीको एसोसिएट तर्फको १ सय ५८ नम्बरमा कस्मिक एयरको नाम रहेको छ। जुन एयरलाइन्स कम्पनी अहिले अस्तित्वमा छैन। एयरलाइन्सको उडान अनुमतिलगायत सबै खारेज भइसकेका छन्।

त्यतिमात्रै हैन एयरलाइन्स कम्पनीको नाममा रहेको पुरानो विमानस्थल सेवा शुल्कवापतको सवा ३ करोड बक्यौता रकम असुलीका लागि पटक–पटक भएको सूचनामा सम्पर्क गर्ने व्यक्ति नै छैन। तर, महासंघको निर्वाचनमा भने मतदाता सूचीमा नाम रहेको छ।

सन् १९९७ देखि हवाई सेवामा प्रवेश गरेको कस्मिक एयर अहिले बन्द भइसकेको छ। प्राधकिरणका अनुसार कस्मिक एयर २०६९ मंसिरदेखि बन्द छ।
कस्मिक एयरको पनि नेपाल नागरिक उड्डयन प्राधिकरणले उडान अनुमति तथा लाइसेन्स खारेज गरिसकेको छ। तर, एयरलाइन्सले अहिलेसम्म विमानस्थल कार्यालयलाई बक्यौता तिरेको छैन।

एयरलाइन्सले विमानस्थल कार्यालयलाई विमानस्थल सेवा शुल्कवापतको ३ करोड ३३ लाख १२ हजार ९ सय ६ रुपैयाँ चुक्ता गरेको छैन।
कस्मिक एयरलाइन्स वरिष्ठ पाइलट रवीन्द्रप्रसाद प्रधानको नाममा दर्ता थियो। प्रधान तत्कालीन राजाका पाइलटसमेत हुन्। तर, प्रधानले अहिलेसम्म पनि विमानस्थल कार्यालयलाई बक्यौता रकम चुक्ता गरेका छैनन्। उनी प्राधिकरणको सम्पर्कमा पनि छैनन्। बक्यौता तिर्न सम्पर्कमा नआएको कम्पनी एकाएक महासंघको निर्वाचनमा भने मतदाता भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

शान्तिपूर्ण आन्दोलन भड्काउने काम नहोस् : कमल थापा

सगरमाथा संवादमा १७५ विदेशी विशिष्ट पाहुना सहभागी हुने

डेडिकेटेड र ट्रंक लाइनको विद्युत महसुल बुझाउने म्याद थपको सूचना पुनः जारी