काठमाडौं- विश्वव्यापी रूपमा फैलिएको कोरोनाको संक्रमणका कारण विदेशी पर्यटक नआउँदा सोल्टी होटलले ७ करोड ९३ लाख रुपैयाँ नोक्सान व्यहोरेको छ। आम्दानीमा भारी गिरावट हुँदा होटल नोक्सानमा गएको हो।
चालु आर्थिक वर्षको पहिलो तीन महिनामा ७ करोड ९३ लाख रुपैयाँ नोक्सानमा रहेको होटल गत वर्षको यही अवधिमा २ करोड ९५ लाख रुपैयाँ नाफामा थियो। कोरोना संक्रमितको आसोलेसन क्याप बनेको सोल्टीले यस अवधिमा ५ करोड १३ लाख रुपैयाँ आम्दानी गरेको छ। जबकि गत वर्षको यही अवधिमा ३१ करोड ६४ लाख रुपैयाँ आम्दानी गरेको थियो।
गत चैत ११ देखि ५ महिनासम्म लकडाउनका कारण होटल व्यवसाय ठप्प छ। सरकारले कोरोना भइरसको रोकथाम तथा नियन्त्रण गर्न विदेशी पर्यटक आवागमनमा रोक लगाएको छ।
विदेशी पर्यटकलाई नेपाल आउन रोक लगाउन पर्यटन व्यवसाय नै धराशायी बन्दै गएको छ। अर्को तर्फ विश्वव्यापी रूपमा कोरोना संक्रमण फैलिरहेकोले विदेशी पर्यटकहरू हिँडिरहेका छैनन्।
पर्यटकको आवागमन बन्द भए पनि होटलले कोरोना संक्रमितहरुलाई बस्ने सुविधाको व्यवस्था गरेका कारण केही भए पनि आम्दानी भएको छ। यसै होटलमा काठमाडौं महानगरका मेयर विद्यासुन्दर शाक्य, नेपाल एयरलाइन्सका पाइलट तथा कर्मचारीलगायतका व्यक्तिहरु यहिबाट कोरोना मुक्त भएका थिए।
आम्दानी बन्द भएसँगै होटलले कर्मचारी खर्च पनि कटौती गरेको छ। गत वर्षको यही अवधिमा कर्मचारी खर्च ११ करोड ४२ लाख रुपैयाँ थियो। यस वर्षको तीन महिनामा जम्मा ६ करोड ८० लाख रुपैयाँ मात्रै छ। आम्दानी नै ५ करोड १३ लाख रुपैयाँ भएकोमा कर्मचारी खर्च तथा अन्य सञ्चालन खर्चका कारण होटलले नोक्सानी बेहोरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785588615.png)
-1764146706.png)
