काठमाडौं-युनाईटेड इदि मर्दी एण्ड आरवि हाइड्रोपावर कम्पनीले आजदेखि ८ लाख ७३ हजार कित्ता प्राथमिक शेयर निष्काशन गरेको छ। कम्पनीले यस अगाडि प्रभावित क्षेत्रका लागि निष्काशन गर्दा नबिकेका दुई लाख ४३ हजार कित्तासहित ८ लाख ७३ हजार कित्ता प्राथमिक शेयर निष्काशन गर्ने भएको हो।
कम्पनीले प्रभावित क्षेत्रका बासिन्दाका लागि ४ लाख २० हजार कित्ता प्राथमिक शेयर निष्काशन गर्दा एक लाख ७६ हजार कित्तामात्रै बिक्री भएको थियो। यस अगाडि कम्पनीले सर्वसाधारणका लागि ६ लाख ३० हजार कित्ता छुट्टाएको थियो।
हाल निष्काशन हुन लागेको ८ लाख ७३ हजार कित्तामध्ये ४३ हजार ६९६ कित्ता सामूहिक लगानीकोषलाई छुट्टाएको छ भने १७ हजार ४७८ कित्ता कर्मचारीका लागि छुट्टाइएको छ। सबैलाई दिएर बाँकी रहेको ८ लाख १२ हजार कित्ता आम सर्वसाधारणलाई बिक्री गरिने भएको हो।
सर्वसाधारणले न्युनतम १० कित्तादेखि अधिकतम १० हजार कित्तासम्मका लागि आवेदन दिन सक्ने छन्। लगानीकर्ताले आस्वा सुविधा प्रदान गर्ने सम्पूर्ण बैंक तथा वित्तीय संस्थाहरुबाट आवेदन दिन सक्ने छन्। मेरो शेयरमा अनलाइन सुविधा हुने लगानीकर्ताले अनलाइन प्रणालीबाटै आवेदन दिन सक्ने धितोपत्र निष्काशन तथा बिक्री प्रवन्धक ग्लोबल आइएमई क्यापिटलले जनाएको छ।
कम्पनीले निर्माण गरेको ७ मेगावाट क्षमताको जलविद्युत आयोजनाले गत असोजदेखि विद्युत उत्पादन गर्दै आएको छ। आयोजनाको जम्मा लागत एक अर्ब ४२ करोड रुपैयाँ रहेको छ भने प्रतिमेगावाट लागत २० करोड २९ लाख पर्न आउछ। चालु आर्थिक वर्षमा कम्पनी सञ्चित नोक्सानीमा देखिए पनि आगामी आर्थिक वर्षदेखि नाफामा देखिने कम्पनीले जनाएको छ। अबको दुई वर्षपछि कम्पनीको प्रतिशेयर आम्दानी १४ रुपैयाँ हुने कम्पनीले जारी गरेको आह्वान पत्रमा उल्लेख छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
