काठमाडौं- नेपाल उद्योग वाणिज्य महासंघको वरिष्ठ उपाध्यक्षका उम्मेदवार किशोर प्रधानलाई ३० भन्दा जिल्ला-नगर उद्योग वाणिज्य संघले मतदान गर्ने सामूहिक प्रतिबद्धता जनाएका छन्। जनकपूरमा आयोजित कार्यक्रममा प्रधान समूहलाई विभिन्न प्रदेशका जिल्लानगरका अध्यक्षले मतदान गरेर जिताउने निर्णय भएको दाबी प्रधान आफैँले गरेका छन्।
नेपाल उद्योग वाणिज्य महासंघ प्रदेश २ का अध्यक्ष शिवशंकर शाहले ३० भन्दा बढी जिल्लाका अध्यक्षले प्रधान र उनको समूहलाई जिताउन मतदान गर्ने सहमति जुटाई सोहीअनुसार निर्णय गरिएको बताए।
आफ्ना उम्मेद्वारलाई परिचय गराउँदै जिल्ला/नगरका अध्यक्षले किशोर प्रधानलाई महासंघका आगामी अध्यक्ष शेखर गोल्छाले समर्थन गरेका कारण पनि २ कार्यकाल कटीबद्ध भएर कामगर्ने वातावरण बनाउन प्रधानलाई जिताउने निर्णय भएको शाहले बताए। कार्यक्रमका सहभागीहरूले गोल्छाको नेतृत्वबाट सबल महासंघ चाहनेले प्रधान समूहलाई विजयी गराउनुपर्ने भन्दै ६ वर्षे कार्यकाल तयार गरी निर्धक्क भएर कामगर्ने वातावरण बनाउनका लागि पनि प्रधानलाई जिताउनु पर्ने जिल्लानगरका अध्यक्षहरुको भनाइ छ। प्रदेश १ र २ को कुल मतमध्ये ९९ प्रतिशत मत प्रधान पक्षले पाउने प्रदेश नम्बर २ का अध्यक्ष शिवशंकर शाहको दाबी छ।
कार्यक्रममा प्रधान समूहलाई मत प्रतिबद्धता जनाउने जिल्ला नगरमा जनकपुरधाम उद्योग वाणिज्य संघ (ललितशाह, अध्यक्ष), धुलिखेल उद्योग वाणिज्य संघ (मञ्जु कुमार कोजु, अध्यक्ष), सप्तरी उद्योग वाणिज्य संघ (अरुण कुमार प्रधान, अध्यक्ष),उद्योग वाणिज्य संघ, मलङ्गवा,उद्योग वाणिज्य संघ, सर्लाही (बीरेन्द्र प्रसाद शाह, अध्यक्ष), गौशालाउद्योग वाणिज्य संघ (रामराजा प्रसाद शाह, अध्यक्ष),जलेश्वर उद्योग वाणिज्य संघ (कृपाशंकर शाह, अध्यक्ष), महोत्तरी उद्योग वाणिज्य संघ (मोहनप्रसाद गुप्ता, अध्यक्ष),वीरगञ्जउद्योग वाणिज्य संघ (गोपाल केडिया, अध्यक्ष),इनरुवाउद्योग वाणिज्य संघ (वीरेन्द्र शाह, अध्यक्ष), जाजरकोट उद्योग वाणिज्य संघ (कर्ण बहादुर खत्री, अध्यक्ष), सुर्खेत उद्योग वाणिज्य संघ (धनबहादुर रावत, अध्यक्ष) लगायत छन्।
यस्तै उदयपुर उद्योग वाणिज्य संघ (पुष्कर खड्का, अध्यक्ष), मकवानपुर उद्योग वाणिज्य संघ, लाहान उद्योग वाणिज्य संघ, सिराहा उद्योग वाणिज्य संघ (प्रमोद कुमार पोहार, अध्यक्ष) र धनकुटा उद्योग वाणिज्य संघले पनिप्रधान समूहलाई नै सघाउने औपचारिक निर्णय गरेका छन्। चरिकोट उद्योग वाणिज्य संघ, दोलखा (इन्द्र बहादुर श्रेष्ठ, अध्यक्ष), उर्लाबारी उद्योग वाणिज्य संघ, मोरङ (प्रितम खड्गी, अध्यक्ष), दमक उद्योग वाणिज्य संघ (गोकुल श्रेष्ठ, अध्यक्ष), मेची उद्योग वाणिज्य संघ (ऋषि तिम्सिना, अध्यक्ष), कपिलवस्तु उद्योग वाणिज्य संघ, (यज्ञप्रसाद भट्टराई, नि. अध्यक्ष), उद्योग संगठन मोरङ, मोरङ व्यापार संघ र बारा उद्योग वाणिज्य संघले प्रधान र उनको समूहलाई विजयी गराउने प्रतिबद्धता जनाएका छन्।
रौतहत र बर्दिबास जिल्लाउद्योगा वाणिज्य संघले पनि प्रधानलाई सघाउने प्रतिबद्धता जनाएका छन्। काठमाडौँ उद्योग वाणिज्य संघबाट भने अध्यक्षदिनेश श्रेष्ठ महासंघको जिल्लानगर उपाध्यक्षमा उम्मेद्वार नै भएका कारण प्रधान समूहलाई स्वतः समर्थन छ।
समर्थन जनाएका सबै जिल्लानगरका अध्यक्षहरुले महासंघमा २८ वर्ष लामो सेवा गरेर हासिल गरेको अनुभवलाई कोरोना महामारीका कारण थिलथिलो बनेको अर्थतन्त्र उकास्ने काममा प्रयोग गर्ने लक्ष्यका साथ आफूहरुले किशोर प्रधान र उनको समूहलाई समर्थन गरेको बताएका छन्। उनीहरुको कुरा सुनेपछि वरिष्ठ उपाध्यक्षका उम्मेद्वार प्रधानले आफूप्रति साना तथा मझौलासहित ठूला व्यवसायीको विश्वास बढेर गएका कारण विश्वास नतोड्ने वचनबद्धता व्यक्त गरेका छन्।
कार्यक्रमलाई सम्बोधन गर्दै वरिष्ठ उपाध्यक्षका प्रत्यासी प्रधानले आफू जिल्लानगर बाट नै महासंघको नेतृत्वमा पुग्न लागेकाले जिल्लान गरतर्फाका व्यवसायीका समस्यामा केन्द्रित हुने प्रतिबद्धता जनाए। जिल्ला नगरका सबै किसिमका विषय र समस्यासँग आफू परिचित भएकाले त्यस्ता समस्या समाधानमा पहलकदमी लिन सक्ने उनको दाबी छ। महासंघलाई नयाँ उचाई दिनका लागि जिल्लादेखि नै काम गर्दै जानु पर्ने बताएका प्रधानले आफू त्यसको एक मात्र विकल्प भएको बताएका थिए।
वरिष्ठ उपाध्यक्षका उम्मेदवार प्रधान तथा समूह समर्थक जिल्ला नगरका प्रतिनिधि तथा मतदाताहरूको प्रतिबद्धता कार्यक्रमलाई जनकपुरधाम उद्योग वाणिज्य संघले आयोजना गरेको हो। प्रधान समूह अन्य जिल्लाका प्रतिनिधिसँगको भेटघाटको अभियानमा देशव्यापी भ्रमणमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766039188.jpg)
-1764146706.png)
