काठमाडौं- नेपाल स्टक एक्सचेन्जको 'नेप्से' सूचक साढे तीन वर्षयताकै अधिकतम बिन्दुमा पुगेको छ। दोस्रो बजार २०७४ वैशाखयताकै सबैभन्दा अधिकतम बिन्दुमा पुगेको हो। २०७४ वैशाखमा १० गते १६९३ थियो। त्यसयता आजको बिन्दु सबैभन्दा धेरै हो। मंगलबार नेप्से सूचक २५.९८ अंकले सुधार हुने क्रममा १६७८.७९ अंकमा पुगेर रोकिएको छ।
विश्वव्यापी माहामारीको रुपमा रहेको कोरोना भाइरसको भ्याक्सिन सफलातापुर्वक परीक्षण भएको अमेरिकाको घोषणा पछि यसको प्रभाव नेपाली बजारमा पनि परेको हो। भ्याक्सिन तयार भएको समाचारले विश्वकै शेयर बजारमा सकारात्मक प्रभाव पारिरहेको छ। कोभिड- १९ ले विश्वकै अर्थतन्त्रलाई धरासायी बनाइरहेको छ। मानवीय जनजीवन नै प्रभावित पुर्याइरहेको कोभिडले सम्पुर्ण क्षेत्रलाई प्रभावित पारिसकेको छ। नेपालमा पनि कोभिडका कारण अर्थतन्त्रमा नराम्रो असर पुर्याएको हो।
गत वर्षदेखि नै सुधारको क्रममा रहेको सेयर बजारलाई कोभिड- १९ ले ठूलो असर पुर्याउँदै आएको छ। नेप्से सूचक अहिलेसम्मकै उच्च चार वर्ष दुई महिना अगाडि २०७३ साउन १२ गते १८८१ अंकसम्म पुगेको थियो। त्यसयता सेयर बजार लगातार घटिरहेको छ। नेप्से सूचक २०७३ साउनमा अधिकतम बिन्दु पुगेर २०७५ फागुन १२ गते सबैभन्दा तल्लो बिन्दु ११०२.३२ अंकसम्म झर्यो।
नेपालको सेयर बजारमा चार चार वर्षको चक्र रहने र पछिल्लो समय नेपालको सेयर बजार बुलिस ट्रेण्डमा अगाडि बढिरहेको विश्लेषणले गर्दा कोभिड महामारीकै बीचमा पनि सुधार भइरहेको छ।
मंगलबार नेप्से सूचकमा सुधार आउदा कारोबार रकम चार खर्ब ९ करोड रुपैयाँको भएको छ। जम्मा १९६ वटा कम्पनीको कारोबार हुँदा १०२ वटाको मूल्य बढेको छ भने ५० वटाको मूल्यमा गिरावट आएको छ। धेरै लामो समयदेखि सुधार हुन नसकेको नेपाल टेलिकमको मूल्यमा पनि सकारात्मक सर्किट लागेको छ।
नेपालको सेयर बजारमा जब जव नेपाल टेलिकमको मूल्यमा उछाल आउछ सूचकमै ठूलो परिवर्तन आउने गरेको छ। केही वर्ष अगाडि नेपाल टेलिकम सबैभन्दा धेरै शेयर पुँजी भएको कम्पनीअन्तर्गत पर्थ्यो। तर अहिले अन्य बैंकहरु सबैभन्दा धेरै पुँजी हुने अन्तर्गत पर्छन्। तैपनि १५ अर्ब रुपैयाँ पुँजी भएको नेपाल टेलिकमको मूल्यमा उछाल आउँदा सूचकमै सुधार गर्न राम्रो मद्दत पुर्याएको छ।
नेपाल पुनर्बीमा कम्पनीको सबैभन्दा धेरै २८ करोड रुपैयाँको कारोबार भएको छ। सबैभन्दा धेरै व्यापारको सूचक ७.८७ प्रतिशतले बढेको छ। जलविद्युत त म्युचुअल फण्ड बाहेक सम्पुर्ण सूचकमा सुधार आएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
