नेप्सेमा सामान्य गिरावट, कारोबार रकम ३ अर्ब माथि

बैंक/बिमा/सेयर

नेपाल लाइभ बिहीबार, कात्तिक १३, २०७७ १५:४२

काठमाडौं- बुधबार ४१ दशमलव २० अंकले बढेको नेपाल स्टक एक्सचेन्ज नेप्से परिसूचकमा बिहीबार भने सामान्य अंकको गिरावट देखिएको छ। लगानीकर्ता नाफा बुक गर्न केन्द्रित भएपछि नेप्से १ दशमलव ७८ अंकले घटेर १ हजार ६ सय ४५ दशमलव ६७ अंकमा कायम भएको हो।

बिहीबार १ सय ९२ वटा कम्पनीको १ करोड ३ लाख ६५ हजार कित्ता सेयर ४१ हजार ९ सय ९ पटक खरिद बिक्री हुँदा ३ अर्ब ३ करोड ७६ लाख ९४ हजार रुपैयाँ बराबरको कारोबार भएको छ।

आज निर्जीवन बीमा समूहको उपसुचक सबैभन्दा बढी ३९ दशमलव ८९ अंकले बढेको छ। त्यस्तै व्यापार, जलविद्युत, लघुवित्त, जीवन बीमा र अन्य समुहको उपसूचक क्रमशः १९ दशमलव ९५, ६ दशमलव ७५, १२ दशमलव ७४, ८ दशमलव ८६ र ५ दशमलव ८३ अंकले बढेको छ।

सबैभन्दा धेरै घट्नेमा भने उत्पादन समूहको उपसुचक ३४ दशमलव ८५ अंकले घटेको छ। बैंकिङ समूह ६ दशमलव २७, होटल समूह १५ दशमलव ४२, विकास बैंक समूह १६ दशमलव ८२ र वित्त समूह २ दशमलव ६२ अंकले घटेको छ।

कारोबार रकम आधारमा सबैभन्दा धेरै प्राइम कमर्सियल बैंकको १३ करोड ७८ लाख रुपैयाँ बराबरको सेयर कारोबार भएको छ भने कारोबार भएको सेयर संख्याका आधारमा शिवश्री हाइड्रोपावर लिमिटेडको ७ लाख ६९ हजार कित्ता सेयर किनबेच भएको छ।

सबैभन्दा धेरै कमाउनेमा शिवश्री हाइड्रोपावरका लगानीकर्ताले प्रतिकित्ता १० प्रतिशतका दरले कमाएको छन भने सबैभन्दा धेरै गुमाउनेमा नेपाल इन्भेस्टमेन्ट बैंक प्रमोटर सेयरका लगानीकर्ताले प्रतिकित्ता ३ दशमलव ९७ प्रतिशतका दरले गुमाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कन्काई पुल : पाँच पटक ठेक्काको म्याद थप, १३ वर्षमा आधा काम

इजरायल र हमासबीच गाजामा युद्धविराम गर्ने सहमति, बन्धक रिहाइको बाटो खुल्यो

आज कांग्रेसका मन्त्रीहरुसँग छलफल गर्दै सभापति देउवा