अक्षयकुमारको फिल्म 'लक्ष्मी बम्ब' विवादमा तानियो

सिनेमा

नेपाल लाइभ बिहीबार, कात्तिक १३, २०७७ १५:२७

काठमाडौं- बलिउड अभिनेता अक्षयकुमारको फिल्म ‘लक्ष्मी बम्ब’ विवादमा फसेको छ। दीपावलीमा रिलिजको तयारीमा रहेको फिल्मको शीर्षकका कारण निर्माण टिम विवादमा तानिएको हो।

चलचित्रको नाम परिवर्तन गर्नुपर्छ भन्दै श्री राजपुत कर्णी सेनाले निर्माण टिमलाई कानुनी सूचना पठाएको छ। अक्षय र कियारा आडवाणी अभिनित यस चलचित्र यसै वर्षको नोभेम्बर ९ मा डिज्नी प्लस हटस्टारमा रिलिजको तयारीमा थियो।

बलिउड हंगामाका अनुसार, यो सूचना कर्णी सेनाका तर्फबाट आघवेन्द्र मेहरोत्राले पठाएका हुन्। नोटिसमा लक्ष्मी बम्ब हिन्दू धर्मावलम्बीहरुले पुज्ने लक्ष्मी भवानीप्रति अपमानजनक र आपत्तिजनक भएको उल्लेख गरिएको छ।

यसका साथै निर्माण टिमले जानीबुझी लक्ष्मी बम्ब नाम राखेको जिकिर नोटिसमा गरिएको छ। फिल्मले देवीको अनादर गरेको आरोप उनीहरुको छ।

निर्देशक राघव लरेन्सले मूल तमिल चलचित्र ‘मुनि २: कन्चना’ पनि निर्देशन गरेका थिए। यही तमिल चलचित्रको हिन्दी रिमेक ‘लक्ष्मी बम्ब’ एक पुरुष, जसलाई ट्रान्सजेन्डर भूतले आफ्नो नियन्त्रणमा राख्छ, त्यसको कथामा आधारित छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित