काठमाडौं- अर्थमन्त्री बिष्णुप्रसाद पौडेल नियुक्ति भएसँगै दोस्रो बजारमा सुधार हुने अपेक्षा गरिएको भए पनि बिहीबार शेयर बजारमा खासै सुधार देखिएन।
यसअघिका अर्थमन्त्री डा.युवराज खतिवडाभन्दा पौडेललाई शेयर बजारमैत्री अर्थमन्त्रीको रुपमा चित्रण गरिए पनि बिहीबार शेयर बजारमा झिनो अंकले मात्रै सुधार भयो। यसअघि शेयर बजार अधिकतम बिन्दु कायम रहँदा पौडेल नै अर्थमन्त्री थिए। त्यसैले पौडेल अर्थमन्त्रीमा आउनेबित्तिकै लगानीकर्ताका संघ संगठनले स्वागत गरेका छन्।
यसअघिका अर्थमन्त्री डा. युवराज खतिवडालाई लगानीकर्ताले रुचाउन सकेका थिएनन्। उनको बहिर्गमनका क्रममा दोस्रो बजारमा तीन सयभन्दा धेरै अंकले सुधार भइसकेको छ। करेक्सनका क्रमै नयाँ अर्थमन्त्री पौडेल आउँदा बजार सुधार हुने अपेक्षा गरिएको थियो। अन्तिम तीन मिनेटमा आएको झिनो सुधारले बजार हरियो भएर बन्द भएको छ। साताको अन्तिम दिन नेप्से सूचक १.२९ अंकले सुधार भएर बन्द भएको हो। नेप्से सूचक झिनो अंकले सुधार भएर १५६२.४६ मा बन्द भएको छ।
कारोबार सुरु हुने बित्तिकै सुधार हुने संकेत देखिएकोमा विगतमा नाफा आर्जन गरेकाले तत्काल नाफा बुक गर्न खोज्दा बजार सुधार हुन नसकेको हो। यसले गर्दा अधिकांश समय झिनो अंकको तलमाथि भएर बजार बन्द भयो। त्यसैले गर्दा कारोबार रकम पनि एक अर्ब ४२ करोड रुपैयाँको मात्रै भयो।
वाणिज्य बैंकसहित केही सूचकमा सुधार देखिँदा बजार हरियो भएर बन्द भएको हो।
नेपाल फाइनान्स र जनरल इन्स्योरेन्स कम्पनीको शेयर मूल्य अधिकतम बढ्ने क्रममा सर्किट लागेको छ। ६६ वटा कम्पनीको शेयर मूल्यमा सुधार आए पनि ८० वटाको मूल्य घटेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
