सेयर बेचेर दसैँ खर्च जोहो गर्न खोज्दा एक सातामा ३५ अंकको गिरावट

बैंक/बिमा/सेयर

नेपाल लाइभ बुधबार, असोज २८, २०७७ १५:२३

काठमाडौं- सेयर लगानीकर्ताहरू नजिकिँदै गरेको दसैँका लागि पैसा जोहो गर्न थालेका छन्। पछिल्लो समय सुधारिएको बजारबाट उचित फाइदा लिने क्रममा लगानीकर्ताहरुले नाफा बुक गर्दै दसैँका लागि पैसा जोहो गरेका हुन्।

यसका साथै पहिलो त्रैमासको ब्याज र किस्ताका लागि सेयर बिक्री गर्दा विगत एक सातामा मात्रै ३५ अंकको गिरावट आएको छ।

अन्य लगानीका ढोका बन्द हुँदा लगानीकर्ताले सेयर बजारलाई स्रोत बनाउँदै आएका छन्। बढ्दो ट्रेन्डको फाइदा उठाउँदै लगानीकर्ताले नाफा बुकसँगै व्यवहारिक खर्चको जोहो पनि दोस्रो बजारबाटै गर्न थालेका हुन्।

पछिल्लो एक त्रैमासिकअवधिमा मात्रै दोस्रो बजारमा ३८३ अंकको सुधार भइसकेको छ। यस अवधिमा लगानीकर्ताले पोर्टफोलियो निकै बढाएका पनि छन्।

बुधबार नेप्से सूचक ७.४२ अंकले ओरालो झर्ने क्रममा १५६१.१७ अंकमा पुगेको छ।

सूचकमा गिरावट आउने क्रममा कारोबार रकम पनि घटिरहेको छ।

बुधबार १९५ वटा कम्पनीको कारोबार हुँदा एक अर्ब ४९ करोड रुपैयाँको कारोबार भएको छ।

होटल बाहेक सम्पूर्ण सूचकमा गिरावट आएको छ। आजदेखि कारोबार सुरु भएको जनरल इन्स्योरेन्स कम्पनीको सेयर अधिकतम बढ्ने क्रममा सर्किट लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बीमाको रकम हत्याउन भारतीय प्रेमीसँग मिलेर श्रीमानको हत्या

सरकारमा सहभागी मन्त्रीहरुसँग देउवाले लिए कार्यप्रगतिबारे जानकारी

बलिउड अभिनेता सैफ अली खानमाथि छुरा प्रहार