फाइल तस्बिर
काठमाडौं–निजी हेलिकोप्टर सेवा प्रदायक कम्पनी प्रभु हेलिकप्टर प्रालिले ल्याएको नयाँ एयरबस हेलिकोप्टर पीएच १२५ एएस ३५० बी ३ ईले नागरिक उड्डयन प्राधिकरणबाट उडान अनुमति पाएको छ। योसँगै प्रभुसँग ६ वटा हेलिकोप्टर भएको छ।
प्रभुको हेलिकोप्टर चैतमै काठमाडौं आइपुगेको थियो। तर, कोभिडका कारण उडान अनुमति पाउन सकेको थिएन। हेलिकोप्टर उडानको अनुमति लिन केही ढिला भएको हेलिकप्टरका डेपुटी जनरल म्यानेजर नोबलकुमार राजलवटले बताए।
कल साइन ९ एन–एनएलई रहेकोे हेलिकप्टर ६ सिट क्षमताको छ। धेरै उचाइसम्म राम्रो काम गर्ने यो हेलिकोप्टर नेपालको भौगोलिक बनावटका लगि योग्य रहेको कम्पनीको भनाइ छ। हिमाली क्षेत्रको दृश्यावलोकन र धार्मिक क्षेत्रमा पर्यटकीय उडान गर्दै आएको प्रभु हेलिकप्टरले पोखराबाट अन्नपूर्ण बेस क्याम्प, माछापुच्छ्रे बेस क्याम्प, मर्दी हिमाल, मुक्तिनाथ, रारा र काठमाडौंबाट लुक्ला, पाथीभरा, हलेसी महादेव, कालिन्चोकको सेवा दिंदै आएको छ।
नयाँ हेलिकोप्टरले काठमाडौंमा आधारित रहेर १४ हजार फिटभन्दा माथि सगरमाथा आधार शिविर, लाङटाङ, गोसाइँकुण्ड, दामोदर कुण्ड, माथिल्लो मनाङ र मुस्ताङ र तिलिचो ताल लगायतका गन्तव्यमा उडान भर्ने कम्पनीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
