काठमाडौं–नेपाल वायुसेवा निगम (नेपाल एयरलाइन्स) ले टिवनअटर जहाज उडानका लागि करारमा पाइलट राख्ने भएको छ। निगमले बुधबार एक सूचना प्रकाशन गर्दै टिवनअटर जहाज उडानका लागि पाइलटको आवेदन माग गरेको हो।
निगम व्यवस्थापनले १५ दिनको समय दिँदै सूचना प्रकाशन गरे पनि कति जना पाइलट भने खुलाएको छैन।
निगमले अहिले २ वटा टिवनअटर जहाजमार्फत आन्तरिक उडान गर्दै आएको छ। २ वटा टिवअटर जहाज उडानका लागि ४ जना पाइलट छन। तर, एक जनाको पाइलट लाइसेन्स भए पनि उडान कमान्ड गर्न पाउने अवस्था छैन।
२ वटा टिवनअटर जहाज फूल फेजमा सञ्चालन गर्न ५ जना पाइलट र ५ जना नै कोपाइलट आवश्यक पर्छ।
केही समयअघि निगमले विना प्रतिस्पर्धा २ पाइलट नियुक्त गर्न सञ्चालक बोर्डमा प्रस्ताव लगेको थियो। तर,असोज १२ गते बसेको बोर्डले सिधै पाइलट नियुक्ति गर्ने प्रस्ताव अस्वीकृत गरेको हाे। त्यसपछि बोर्डले खुल्ला प्रतिस्पर्धाबाट पाइलट नियुक्ति गर्न व्यवस्थापनलाई निर्देशन दिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
