शेयर बजारमा करेक्सन कायमै, अल्पकालीन लगानी गर्न आएकाहरू बाहिरिँदै

बैंक/बिमा/सेयर

नेपाल लाइभ बुधबार, असोज १४, २०७७ १५:१७

काठमाडौं- शेयरमा बजारमा बुधबार ३.१९ अंकको करेक्सन सहित १५५०.४३ अंकमा बन्द भएको छ। केही समयदेखि दोस्रो बजारमा करेक्सन भइरहेको छ। कारोबार सुरु भएदेखि रातो देखिएको शेयर बजारमा ८९ वटा कम्पनीको शेयर मूल्यमा गिरावट आएको छ। त्यस्तै ६१ वटा कम्पनीको मूल्य भने बढेको छ।

लगानीकर्ताले नाफा बुक गर्नुका साथै चालु आर्थिक वर्षको पहिलो त्रैमाशका लागि व्याज, किस्ता र करका लागि शेयर बिक्री गरिरहेका छन्। अन्यन्त्र लगानी गर्न बसेका लगानीकर्ताले केही समय अगाडि दोस्रो बजारमा लगानी गरेका थिए। कोभिड- १९ को प्रभाव नियन्त्रण तथा रोकथामका लागि गरिएको लकडाउन तथा निषेधाज्ञा खुकुलो बनाउदै गर्दा उनीहरूले शेयर बिक्री गरेर बाहिरिन खोजिरहेका छन्।

चीन तथा भारतबाट सामान आयात गर्नेले सामान ल्याउन नसक्दा उक्त पैसा शेयर बजारमा भित्रिएको थियो। तर अवस्था सामान्य हुँदै गएपछि बजारबाट उनिहरु बाहिरिने क्रम बढेको छ। यसै क्रममा बजारमा करेक्सन सहित घट्न क्रम जारी छ।

बुधबार विकास बैंक, हाइड्रोपावर, फाइनान्स र म्युचुअल फण्डको सूचकमा सुधार देखिए पनि बाँकी सूचक घटेका छन्। जोशी हाइड्रोपावर र कामना सेवा विकास बैंकको शेयर मूल्य बढ्ने क्रममा सकारात्मक सर्किट लागेको छ। पछिल्लो समय आधार मूल्य भन्दा तलका जलविद्युत कम्पनीको शेयर मूल्यमा उछाल आइरहेको छ।

सबैभन्दा धेरै नेपाल पुनर्बीमा कम्पनीको ११ करोड २४ लाख रुपैयाँको कारोबार भएको छ। दोस्रो बजारमा बुधबार एक अर्ब ९५ करोड रुपैयाँको कारोबार भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय ट्रफी: सागर र ललितको घातक बलिङमा पुलिस बन्यो च्याम्पियन

न्याय परिषद् सदस्यमा प्रस्तावित दामोदर खड्काविरूद्ध उजुरी आह्वान

पोखरा पुगे प्रधानमन्त्री ओली