जनरल इन्स्योरेन्स कम्पनीको आइपिओ आजदेखि

बैंक/बिमा/सेयर

नेपाल लाइभ आइतबार, असोज ११, २०७७ १०:३७

काठमाडौं-जनरल इन्स्योरेन्स कम्पनीले आजदेखि प्राथमिक शेयर निष्काशन गरेको छ। कम्पनीले सर्वसाधारणतर्फको ३० लाख कित्ता प्राथमिक शेयर असोज १४ गतेसम्म जारी गर्नेछ।

सर्वसाधारणतर्फको ३० लाख कित्तामध्ये ४ प्रतिशत अर्थात् एक लाख २० हजार कित्ता कर्मचारीका लागि छुट्टयाइएको छ। त्यस्तै ५ प्रतिशत अर्थात् एक लाख ५० हजार कित्ता सामूहिक लगानी कोषका लागि छुट्ट्याइएको छ। कर्मचारी र सामूहिक लगानी कोषलाई दिएर बाँकी २७ लाख ३० हजार कित्ता सर्वसाधारण नागरिकका लागि जारी गरिएको छ।

प्राथमिक शेयर निष्काशन तथा बिक्री प्रवन्धक एनआइविएल एस क्यापिटल रहेको छ। सर्वसाधारणले आस्वा सुविधा प्रदान गर्ने सम्पूर्ण बैंक तथा वित्तीय संस्थाबाट आवेदन दिन सक्ने छन्। मेरो शेयरमा खाता हुनेले अनलाइनबाटै आवेदन दिन मिल्नेछ।
सर्वसाधारणले न्युनतम १० कित्तादेखि अधिकतम १० हजार कित्तासम्मका लागि आवेदन दिन सक्ने छन्।

प्राथमिक शेयर निष्काशनपछि कम्पनीको चुक्ता पुँजी एक अर्ब रुपैयाँ पुग्नेछ। जसमा सर्वसाधारणको ३० प्रतिशत र संस्थापकको ६० प्रतिशत कायम हुनेछ।

यसअघि सार्वजनिक शेयर निष्काशन गर्ने कम्पनीहरुमा आवेदन परेको हिसाबले यस कम्पनीको प्राथमिक शेयरमा न्युनतम १० कित्ताभन्दा बढी पर्ने सम्भावना छैन। रिलायन्स लाइफले ६३ लाख कित्ता प्राथमिक शेयर निष्काशन गर्दा लक्की ड्रमार्फत् १० कित्ता बाँडफाँड गरिएको थियो। कम्पनीको प्राथमिक शेयरमा ६ लाख ९ हजार जनाको आवेदन परेको थियो। त्यसैले गर्दा यसमा पनि १० कित्ताको लागि आवेदन दिए पुग्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय ट्रफी: सागर र ललितको घातक बलिङमा पुलिस बन्यो च्याम्पियन

न्याय परिषद् सदस्यमा प्रस्तावित दामोदर खड्काविरूद्ध उजुरी आह्वान

पोखरा पुगे प्रधानमन्त्री ओली