काठमाडौं- चिकित्सा शिक्षा सुधारका लागि माग राख्दै अनसनरत डा गोविन्द केसीमाथि प्रहरीले गरेको दुर्व्यवहारप्रति बिपी प्रतिष्ठान, न्याम्स र टिचिङका आवासीय चिकित्सकहरूले खेद प्रकट गरेका छन्। जुम्लाबाट सत्याग्रह थालेको ९ दिन बितिसक्दा पनि सरकार उदासीन रहेको भन्दै उनीहरूले खेद व्यक्त गरेका हुन्।
मंगलबार एक विज्ञप्ति जारी गर्दै वार्ताबाट माग पुरा गर्नुको सट्टा डा केसीको इच्छाविपरीत जोडबलका साथ दुर्व्यवहार शैलीमा उनलाई ट्रमा सेन्टर पुर्याउने काम भएको भन्दै उनीसँग सघन वार्ता गरी माग पुरा गर्न सरकारसँग माग गरिएको छ।
‘मेरिट आधारमा मेडिकल शिक्षाको स्नातक र स्नाकोत्तरमा विद्यार्थी भर्नाको सुरुवात गर्दै सिटमाथि हुने किनबेचमा अन्त्य, मेडिकल कलेजले मनपरी हिसाबले करोडौँ शुल्क लिने कार्य रोक्दै शुल्क निर्धारण, मापदण्ड नपुगे पनि पैसा कमाउनका लागि सेटिंग गरेर असिमित सिट बाढ्ने कार्यमाथि अन्त्य, आवश्यकताबिनै व्यापारिक प्रयोजनका लागि मेडिकल कलेज खोलिने कार्यमा रोक, दुर्गममा मेडिकल शिक्षाको सुरुवातलगायतका स्वर्णिम उपलब्धिहरु विगतमा उहाँकै रगत, पसिना र संघर्षबाट स्थापित भएको कुरा हामीले बिर्सनु हुँदैन|’ विज्ञप्तिमा भनिएको छ, ‘फेरी पनि वार्ताको माध्यामबाट उहाँको माग तत्काल पुरा गर्न सम्बन्धित निकाय र सरकार समक्ष हार्दिक अपिल गर्दछौँ| माग पुरा नभएमा उहाँको जीवनरक्षाका लागि कडा भन्दा कडा संघर्षका कार्यक्रमा साथ आगाडी आउने उदघोष गर्दै त्यसको परिणामको सामना गर्न सरकारलाई सचेत गराउन चाहन्छौँ|’
जुनियर रेसिडेन्ट वेलफेयर सोसाइटी बिपि प्रतिष्ठान धरानका अध्यक्ष डा राजेन्द्र घिमिरे, रेसिडेन्ट एसोशियसन अफ नेपालका अध्यक्ष डा प्रकाश भट्टराई नेशनल रेसिडेन्ट डाक्टर्स एशोसियसनका अध्यक्ष डा सुभाष देवकोटाद्वारा निकालिएको संयुक्त विज्ञप्तिमा सरकारले अझै पनि डा केसीको मागलाई बेवास्ता गरेमा कडाभन्दा संघर्षका कार्यक्रम ल्याउने उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766928868.png)
-1766648928.png)
