गोविन्द केसीको समर्थनमा पोखरामा प्रदर्शन

समाचार

नेपाल लाइभ सोमबार, असोज ५, २०७७ १३:५५

काठमाडौं–चिकित्सा शिक्षा तथा स्वास्थ्य सेवा सुधारका अभियन्ता डा गोविन्द केसीको सत्याग्रहको समर्थनमा आज पोखरामा पनि प्रदर्शन गरिएको छ।

सत्याग्राही डा गोविन्द केसीको माग पूरा गरी जीवनरक्षा गर्नुपर्ने माग राख्दै सार्वजनिक बौद्धिक मञ्च नेपाल, जागौं पोखरा अभियान र सोलिडारिटी फर डा गोविन्द केसीले प्रदर्शन गरेका हुन्।

डा केसीले आफूसँग विगतमा भएका सम्झौता अक्षरशः कार्यान्वयनको माग राख्दै भदौ २९ गतेदेखि जुम्लामा १९ औं सत्याग्रह थालेका छन्। स्वास्थ्यस्थिति बिग्रिएपछि शनिबार उनलाई कर्णाली स्वास्थ्य विज्ञान प्रतिष्ठान लगिएको थियो। उनले अस्पतालमै सत्याग्रह जारी राखेका छन्।

सत्याग्रहको आठौं दिन उनको स्वास्थ्यस्थिति बिग्रँदै गएको छ भने माग पूरा नहुँदासम्म औषधि लिनसमेत अस्वीकार गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो