सफ्टवेरमा देखिएको समस्या तत्काल समाधान गर्न नेप्सेलाई अर्थ मन्त्रालयको निर्देशन

बैंक/बिमा/सेयर

नेपाल लाइभ सोमबार, भदौ २९, २०७७ १४:५६

काठमाडौं- नेपाल स्टक एक्सचेन्जको अनलाइन प्रणालीमा पटक पटक समस्या आए पछि अर्थ मन्त्रालयले स्पष्टीकरण सोधेको छ। मन्त्रालयले नेप्सेका पदाधिकारी र नेपाल धितोपत्र बोर्डका पदाधिकारीलाई एकै ठाउँमा राखेर छिटो समाधान गर्न निर्देशन दिएको हो।

नेपाल स्टक एक्सचेन्जले टिएमएसमा समस्या देखिएको र यसको समाधान बिहीबारसम्ममा भैसक्ने प्रतिवद्धता व्यक्त गरेको छ। सफ्टवेयरमा देखिएको समस्याले गर्दा विगत दुई साता भित्र तीन पटक कारोबार रोकिसकेको छ। यसले गर्दा लगानीकर्ताले समयमा कारोबार गर्न सकेनन्। समयमा कारोबार गर्न नपाए पछि लगानीकर्ताले चर्को विरोध गर्दै आएका छन्। चौतर्फी विरोध पछि मन्त्रालयले आइतबार नै सोमबारका लागि छलफल गर्न बोलाएको थियो।

नेप्सेले सफ्टवेयरमा देखिएको समस्या हार्डवेयरका कारणले पनि भएको र त्यसका लागि हार्डवेरको क्षमता पनि बढाउने काम भैरहेको जानकारी दिएको छ। नेपालको शेयर बजार नै नबुझेको भारतीय कम्पनीसँगको जोइन्ट भेन्चरमा वाइकोलाई सफ्टवेयर निर्माण गर्न दिँदा पटकपटक समस्या देखिँदै आएको छ। छलफलका सहभागी एक अधिकारीका अनुसार वाइकोको क्षमताले भ्याउने भन्दा धेरै समस्या देखिएपछि समाधान गर्न नै गाह्रो परेको हो।

वाइकोले नेप्सेको सफ्टवेयर निर्माण गर्ने जिम्मा पाउने बेलादेखि नै विवाद हुँदै आएको थियो। नेपाल धितोपत्र बोर्डले यस कम्पनीलाई ठेक्का नदिन अन्तिम समयसम्म पनि अनुरोध गर्दै आएको थियो। नेप्सेका एक अधिकारीले भने 'हामीले पहिलादेखि नै यो कम्पनी ठिक छैन। यसले सफ्टवेयर बनाउन सक्दैन भनेकै हौ। पहिला हामीले भनेको अहिले प्रमाणित हुँदै गएको छ।'

दोस्रो बजारलाई पूर्ण रुपमा अनलाइन प्रणालीबाटै स्वचालित बनाउनु पर्ने भन्दै लगानीकर्ताले माग गरेका थिए। तर नेप्सेले यो प्रणाली विकास गर्न नै दुई वर्ष ८ महिना लगायो। तर सुरुदेखिनै प्रणालीमा समस्या देखियो। कयौं दिन कारोबार प्रभावित नै भयो। १९ करोड रुपैयाँ खर्च गरेर तयार पारिएको सफ्टवेयरमा अनियमितता हुँदा यस्तो अवस्था आएको लगानीकर्ताको आरोप छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बलिउड अभिनेता सैफ अली खानमाथि छुरा प्रहार, खतरामुक्त रहेको चिकित्सकको भनाइ

भेरी करिडोर स्तरोन्नति गर्न अर्थले सुनिश्चित गर्‍यो ४ अर्ब

जय ट्रफी: सागर र ललितको घातक बलिङमा पुलिस बन्यो च्याम्पियन