काठमाडौं–एक लाख रुपैयाँको कोरोना बिमा गर्नेले २५ प्रतिशतमात्रै दाबी पाउने भएका छन्।
बिमा समितिले कोरोना बिमाको मापदण्ड परिवर्तन गर्ने क्रममा दाबी भुक्तानी २५ हजार रुपैयाँमात्रै पाउने र अस्पताल भर्ना भएका बिमितले एक लाख रुपैयाँसम्मको उपचार खर्च पाउने भएका छन्। उपचार खर्च पाउँदा सुरुमा आइसोलेसनमा बस्दा प्राप्त गरेको २५ हजार रुपैयाँसहित बाँकी ७५ हजार रुपैयाँसम्मको स्वास्थ्य उपचारका लागि दाबी पाउने छन्। यसका लागि पनि अस्पतालको रिपोर्ट अनिवार्य प्रस्तुत गर्नु पर्ने हुन्छ।
बिमा समितिले पहिलो पटक कोरोना बिमा मापदण्ड जारी गर्दा एक लाख रुपैयाँको बिमा गर्दा कोरोना संक्रमण भएपछि एक लाख रुपैयाँ नै दाबी पाउने व्यवस्था गरेको थियो। त्यस्तै ५० हजार रुपैयाँको बिमा गर्ने बिमितले संक्रमण भएको पुष्टि भएमा ५० हजार रुपैयाँ नै दाबी पाउने व्यवस्था गरेको थियो।
बिमा समितिका एक उच्च अधिकारीका अनुसार पहिलाको मापदण्ड सामाजिक उत्तरदायित्वलाई केन्द्रित गरिएको र अहिले संसोधन भएको मापदण्ड स्वास्थ्य बिमाको रुपमा विकसित गरिएको हो। त्यस्तै पहिला दुई किसिमको कोरोना बिमा गरिएकोमा अबदेखि एक लाख रुपैयाँ बराबरको मात्रै हुनेछ। तर पुरानो बिमालेख अनुसार बिमा गर्नेले भने पहिलाकै मापदण्ड अनुसार पाउने छन्।
पहिला व्यक्तिगत तथा संस्थागत कोरोना बिमा गर्न मिल्ने व्यवस्था थियो। अब पारिवारिक रुपमा मात्रै कोरोना बिमा गर्न पाइने छ। बिमा समितिको अपरिपक्व निर्णयले यस्तो समस्या आएपछि मन्त्रालयको पहलमा कोरोना बिमाको मापदण्ड नै परिवर्तन गरिएको हो।
हालसम्म कोरोना बिमा गर्नेको संख्या १० लाख पुगिसकेको छ। दाबी भुक्तानीका लागि १२ सय भन्दा धेरैले आवेदन दिइसकेका छन्। त्यस्तै झण्डै तीन सय जनाले दाबी प्राप्त गरेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1737002671.jpg)
