काठमाडौं– इंग्लिस प्रिमियर लिग फुटबलमा टोटनह्याम आफ्नै मैदानमा स्तब्ध बनेको छ। आइतबार राति भएको खेलमा एभर्टनसँग टोटनह्याम १–० गोलले पराजित भएको हो।
आफ्नै मैदानमा भएको खेलमा एभर्टनसँग पराजित हुँदै टोटनह्यामले प्रिमियर लिगको नयाँ सिजन सुरु गरेको छ। पहिलो हाफमा गोलरहित बराबरी खेलेको टोटनह्यामले दोस्रो हाफमा गोल खान पुग्यो। ५५औं मिनेटमा डोमिनिक क्याल्भर्ट लेविनले गोल गर्दै एभर्टनलाई अग्रता दिलाएका थिए।
बाँकी समयमा टोटनह्यामलाई रोक्दै पहिलो खेलमा नै जित हात पार्दै एभर्टनले भने लिगमा राम्रो सुरुवात गरेको छ।
त्यस्तै, आइतबार राति नै भएको खेलमा लेस्टर सिटीले भने वेष्टब्रुमलाई ३–० गोलअन्तरले पराजित गर्दै लिगमा सुखद सुरुवात गरेको छ। लेस्टरको जितमा भर्डीले दुई गोल गर्दा टिमोथी कास्टेग्नले एक गोल गरे।
पहिलो हाफमा गोलरहित बराबरी खेलेको लेस्टरले दोस्रो हाफमा तीन गोल गरेको हो। खेलको ५६औं मिनेटमा कास्टेग्नले गोल गर्दै लेस्टरलाई अग्रता दिलाए। खेलको ७४औं मिनेटमा र ८४औं मिनेटमा भर्डीले गोल गर्दै लेस्टरलाई ३–० गोलको जित दिलाएका हुन्। भर्डीले दुबै गोल पेनाल्टीबाट गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766046363.png)
-1766044568.png)
-1766043564.jpg)
-1764146706.png)
-1763721444.png)
