काठमाडौं- प्रिमियर लिग क्लब वुल्भ्सले आफ्नो इतिहासमा अहिलेसम्मकै धेरै रकम खर्च गरेर नयाँ स्ट्राइकर अनुबन्ध गरेको छ। वुल्भ्सले पोर्टोबाट १८ वर्षका स्ट्राइकर फाबियो सिल्भालाई ३५.६ मिलियन पाउण्डमा किनेको हो।
पाँच वर्षको सम्झौतामा ल्याइएका सिल्भालाई आफूहरुले पोर्चुगलको यु१६ खेलदेखि नै विचार गरिरहेका वुल्भ्सका प्रमुख जेफ शीले बताएका छन्। उनले अहिले युरोपमा उनको उमेर समूहमा उत्कृष्ट नम्बर नाइन खेलाडी उनी नै रहेको समेत बताए।
सिल्भाले पोर्टोमा सिनियर टिमबाट २०१९ को अगस्टमा १७ वर्षको उमेरमा खेलेका थिए। यसअघि वुल्भ्सले सबैभन्दा बढी रकम तिरेको खेलाडी राउल जिमिनेज हुन्। जसलाई बेनफिकाबाट ३० मिलियन पाउण्डमा २०१९ मा ल्याएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772084459.png)
-1772084189.png)
-1764146706.png)
