काठमाडौं- रौतहटको गरुडा नगरपालिका-८ का १७ वर्षीय युवक विजय रामको हिरासतमा मृत्यु भएपछि आफ्नो जिम्मेवारी निभाउन नसकेको भन्दै एसपी रविराज खड्कालाई जिम्मेवारीबाट हटाइएको छ।
खड्कालाई जिम्मेवारीबाट हटाएर प्रहरी प्रधान कार्यालय तानिएको छ भने उनको ठाउँमा एसपी सिद्धिविक्रम शाहलाई खटाइएको स्रोतले जानकारी दियो।
यसअघि सोही प्रकरणमा जिल्ला प्रहरी कार्यालय रौतहटका प्रहरी निरीक्षक (इन्सपेक्टर) नवीनकुमार सिंह र हवल्दारद्वय फिरोजमिया धुनिया र मन्नुकुमार सिंहलाई निलम्बन गरिएको थियो।
त्यस्तै इलाका प्रहरी कार्यालयय गरुडाका डिएसपी ज्ञानकुमार महतोलाई यसअघि नै प्रदेश २ प्रहरी कार्यालय तानिसकिएको छ। उनको ठाउँमा डिएसपी नरेन्द्र कुवँरलाई पठाइएको छ।
२० वर्षीय निरन्जन रामको साउन ३१ गते राति घाँटी रेटेर हत्या भएको घटनामा साउन ३२ गते विजयलाई इलाका प्रहरी गरुडाले पक्राउ गरेको थियो।
पक्राउ परेका विजयको प्रहरीले दिएको यातनाबाट मृत्यु भएको भन्दै आफन्तले यातना दिने प्रहरीलाई कारबाही गर्नुपर्ने माग राख्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772788090.png)
-1772786949.png)
-1764146706.png)
-1772777462.png)
