काठमाडौं- नेपाल धितोपत्र बोर्डमा १६ कम्पनीले चार अर्ब ४५ करोड रुपैयाँको प्राथमिक शेयर निष्काशनका लागि अनुमति कुरेर बसेका छन्। कोभिड १९ ले ति कम्पनीले आवश्यक काजगजात पुर्याउन नसक्दा केही पर धकेलिएको छ। हाल १० वट हाइड्रोपावर कम्पनी, दुई वटा निर्जीवन बीमा कम्पनी र बाँकी चारवटाले नेपाल धितोपत्र बोर्डको अनुमति कुरेर बसेका छन्।
सानामा जनरल इन्स्योरेन्स कम्पनी र जनरल इन्स्योरेन्स कम्पनी अनुमतिको अन्तिम चरणमा छन्। यी दुईसहित ६ वटा कम्पनीको सामान्य रिप्लाइ कुरेर बसेको बोर्डले प्राप्त हुने बित्तिकै अनुमति प्रदान गर्नेछ। तर लकडाउनका कारण कम्पनीले समयमा आवश्यक कागजपत्र दिन सकेका छैनन् भने बोर्डले पनि सजिलै काम गर्न सकेको छैन।
नेपाल धितोपत्र बोर्डका अनुसार चन्द्रागिरी हिल्सको अनुमति प्रकृया पनि अन्तिम चरणमा पुगेको छ। चन्द्रागिरीले सर्वसाधारणको लागि १८ करोड ४० लाख रुपैयाँको प्राथमिक शेयर निष्काशन गर्नेछ। त्यस्तै डिस होमको भने केही काजगजात पुग्न बाँकी रहेकाले तत्काल अनुमति पाउन सक्ने अवस्था छैन। बोर्डका अनुसार डिसहोमले तत्काल अनुमति पाउन सक्ने अवस्था छैन।
मध्यभोटेकोशीले प्रभावित क्षेत्रका बासिन्दा तथा सर्वसाधारणको लागि प्राथमिक शेयर निष्काशन गर्न बाँकी छ। कम्पनीले एक अर्ब ५० करोड रुपैयाँको प्राथमिक शेयर निष्काशन गर्नेछ। कम्पनीले कर्मचारी सञ्चयकोषका सञ्चयकर्ताका लागि भने निष्काशन गरिसकेको छ।
जलविद्युत कम्पनीहरु प्राथमिक शेयर निष्काशन गर्दा नबिक्ने डरले बोर्डले आवश्यक कागजपत्र माग गर्दा पनि चुप लागेर बसेका थिए।
बजार सुधार भएसँगै पछिल्लो समय निष्काशन गरेका कम्पनीको शेयर बिकिरहेको छ। नेपाल राष्ट्र बैंकले लघुवित्तको लाइसेन्स रोकेको छ। साथै अनुमतिको लागि निवेदन दिने कतिपय संस्थाको दर्ता नै खारेज गरिदएको छ। यस बाहेक केही संस्थाले प्राथमिक शेयर निष्काशन गर्न बाँकी छ।
यस वर्ष थप ९ जीवन बीमा कम्पनीले प्राथमिक शेयर निष्काशनका लागि प्रकृया अगाडि बढाउने छन्। अघिल्लो आर्थिक वर्षको लेखापरीक्षण तथा एक्चुरियल मूल्याङ्कन गर्न नसक्दा कतिपय नयाँ कम्पनीले नेपाल धितोपत्र बोर्डमा अनुमतिको लागि निवदेन दिन पाएका छैनन्। यस बाहेक प्राथमिक शेयर निष्काशनका लागि निवेदन दिन अन्य कम्पनी छैनन्।
प्राथमिक शेयर निष्काशनको तयारीमा रहेका कम्पनी
कम्पनीकोनाम | आइपिओ कित्ता | आइपिओ रकम |
हिमालयन हाइड्रोपावरल | 2,250,000 | 225,000,000 |
विन्दवासीनी हाइड्रोपावर | 2,500,000 | 250,000,000 |
रुरु जलविद्युत | 815,411 | 89,695,220 |
डिस मिडिया नेटवर्क | 2,385,929 | 238592900 |
शुभम पावर | 580,580 | 58,058,000 |
इमर्जीङ नेपाल | 500,000 | 50,000,000 |
सिइविडी हाइड्रोपावर | 2,518,230 | 251,823,000 |
नेह्रथुम पावर | 1,200,000 | 120,000,000 |
चन्द्रागिरी हिल्स | 1,840,910 | 184,091,000 |
सिविआइलक्यापिटल | 300,000 | 30,000,000 |
मैलुङ खोला हाइड्रोपावर | 736,286 | 73,628,600 |
ग्रिन लाइफ | 3,496,400 | 349,640,000 |
सिङ्गटी हाइड्रोपावर | 4,350,000 | 435,000,000 |
मध्य भोटेकोशी | 15,000,000 | 1,500,000,000 |
जनरल इन्स्योरेन्स कम्पनी | 3,000,000 | 300,000,000 |
सानिमा जनरल इन्स्योरेन्स | 3,000,000 | 300,000,000 |
जम्मा | 44,473,746 | 4,455,528,720 |
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1737002671.jpg)
