महिला सहयात्रा लघुवित्तले पारित गर्‍याे १७.५ प्रतिशत लाभांस

बैंक/बिमा/सेयर

नेपाल लाइभ आइतबार, भदौ १४, २०७७ १३:२७

काठमाडौं-महिला सहयात्रा लघुवित्त वित्तीय संस्थाले भदौ १३ गते सातौ वार्षिक साधारणसभा सम्पन्न गरेको छ। संस्थाले साधारणसभाबाट ७.५ प्रतिशत नगद लाभांस र १० प्रतिशत बोनसको प्रस्ताव पारित गरेको हो। संस्थाले यस अगाडि चैत २२ गते साधारणसभा डाकेको थियो। कोभिडका कारण साधारणसभा भदौ १३ गतेका लागि सरेको थियो।

संस्थाको हालको चुक्ता पुँजी १२ करोड १० लाख रुपैयाँ रहेको छ। बोनस शेयर वितरण पछि चुक्ता पुँजी १३ करोड ३१ लाख रुपैयाँ पुग्नेछ।

राष्ट्रियस्तरको यस लघुवित्त वित्तीय संस्थाले ३४ वटा शाखा कार्यालयमार्फत् ३५ हजारभन्दा बढी सदस्यहरुलाई लघुवित्त सेवा तथा ग्राहक सदस्यहरुलाई स्वरोजगारका लागि लघुउद्यम तालिम प्रदान गर्दै महिला उद्यमशीलता विकासमा जोड दिँदै आएको छ। संस्थाले असार २०७७ सम्म ३३ करोड ४१ लाख निक्षेप परिचालन गर्नुका साथै एक अर्ब ४१ करोड कर्जा परिचालन गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव