राष्ट्र बैंकका कर्मचारीलाई नियमविपरीत १५ किसिमका भत्ता!

बैंक/बिमा/सेयर

नेपाल लाइभ बिहीबार, भदौ ११, २०७७ २०:०२

काठमाडौं- नेपाल राष्ट्र बैंकले आफ्ना कर्मचारीलाई सरकारी खर्चमा मितव्ययितासम्बन्धी निर्देशिकाविपरीत आफ्ना कर्मचारीलाई भत्ता दिएको पाइएको छ। राष्ट्र बैंकले आफ्ना कर्मचारीलाई निर्देशिका विपरीत १५ किसिमसम्मका भत्ता दिएको पाइएको महालेखा परीक्षकको कार्यालयले जनाएको छ।

महालेखाको ५७ औं वार्षिक प्रतिवेदनअनुसार राष्ट्र बैंकका सबै कर्मचारीलाई कर्मचारी सञ्चय कोष, औषधि उपचार कोष, उपदान कोष र कर्मचारी सुरक्षा कोषबाहेक ८ किसिमका र विशेष समूहका कर्मचारीलाई १५ किसिमका भत्ता उपलब्ध गराइएको छ।

आर्थिक वर्ष २०७५/०७६ मा ५९ करोड ५० लाख रूपैयाँ अन्य भत्तामा खर्च लेखेको महालेखाको प्रतिवेदनमा जनाइएको छ। सरकारले जारी गरेको मितव्ययिता सम्बन्धी निर्देशिका पालना हुनुपर्ने महालेखाले जनाएको छ।

सरकारले ल्याएको उक्त निर्देशिकामा स्थानीय भत्ता, पोशाक भत्ता र महँगी भत्ताबाहेक अन्य भत्ता खारेज गर्ने उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव