काठमाडौं- सिम्रिक एयरले आवश्यक तथ्याङ्क उपलब्ध नगराएपछि इक्रा नेपालले सिम्रिकले यसअघि पाएको रेटिङलाई खारेज गरेको छ। उपलब्ध तथ्याङ्कका आधारमा इक्राले यस सन् २०१८ को रेटिङ घटेको जानकारी दिएको थियो।
कोभिड १९ को कारण पर्यटन तथा हवाइ उड्डयन क्षेत्र सबैभन्दा धेरे प्रभावित भएकोले यिनिहरुको वित्तीय अवस्था कमजोर हुँदै जाने आँकलन गर्दै रेटिङ घटाउनुका साथै वाच लिष्टमा राखेको थियो। आवश्यक तथ्याङ्क नदिएको तथा सहयोग नगरेको एजेन्सीले उल्लेख गरेको छ।
विदेशी पर्यटकको आवतजावत अझै केही समय हुन सक्दैन। यसले गर्दा हवाइ क्षेत्रले अझै केही समय हानी व्यहोर्नुपर्ने एजेन्सीले जनाएको छ।
कम्पनीले सन् २०१८ मा ५८ करोड ६९ लाख रुपैयाँ नेपाली पैसामा ऋण लिएको थियो भने ६३ लाख ३० हजार अमेरिकी डलरमा कर्जा लिएको थियो। सन् २०१८ को अवस्था र अहिले कोभिड १९ ले प्रभाव पारिसकेपछिको अवस्था एउटै नहुने भए पछि कम्पनीले रेटिङ घटाउनुका साथै वाच लिष्टमा राखेको हो।
यस अवधिमा कम्पनीले आवश्यक तथ्याङ्क उपलब्ध नगराइ उक्त रेटिङलाई अस्वीकार गरेको हो। अबदेखि कम्पनीले यो रेटिङ रिपोर्ट देखाएर बैंकबाट कर्जा लिन पाउँदैन। नेपाल राष्ट्र बैंकले ५० करोड रुपैयाँभन्दा माथिको कर्जाको लागि अनिवार्य रेटिङ गर्नुपर्ने व्यवस्था गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775122347.png)
