कोरोनाले बन्द भएका कारखानाको बीमा शुल्कमा ५० प्रतिशत छुट

बैंक/बिमा/सेयर

नेपाल लाइभ मंगलबार, भदौ ९, २०७७ ११:३२

काठमाडौं- कोरोनाले बन्द भएका काराखानाको बीमा शुल्क ५० प्रतिशत छुट हुने भएको छ। बीमा समितिले कोभिड १९ का कारण बन्द अवस्थामा रहेका उद्योग प्रतिष्ठानको बीमा दरमा छुट प्रदान गर्न निर्देशन दिएको छ। हाल बन्द अवस्थाको कारखानाको बीमा दर तीन रुपैयाँ प्रतिहजार कायम रहेकोमा उक्त दरलाई एक तिहाइ कायम गर्नुपर्ने छ।

आर्थिक वर्ष २०७७/७८ को नेपाल सरकारको बजेट वक्तव्यमा उल्लेख भए अनुसार कोभिड १९ को कारण बन्द भएका उद्योगहरुको हकमा बन्द अवस्थाको जोखिमको लागि एक तिहाई तथा जोखिम समूहको बीमा दर ५० प्रतिशत समानुपातिक रुपले छुट प्रदान गरिएको बीमा समितिका कार्यकारी निर्देशक राजुरमण पौडेलले जानकारी दिए।

यस्तो छुट ८३ दिनको लागि कायम हुनेछ। साथै यातायातको साधनको हकमा गत जेठ ३२ गते समितिबाट जारी भएको परिपत्र अनुसार हुने समितिले जनाएको छ।

उद्योगीले बन्द अवस्थामा रहेका कल कारखानाको बीमा शुल्कमा छुन दिन बीमा समितिमा माग राख्दै आएका थिए। यसअगाडि बीमा समितिमा उद्योग बाणिज्य महासंघ तथा बीमा कम्पनीहरु विच छलफल भएको थियो। बन्दका कारण जोखिम नै नहुने र यस अवधिको बीमा शुल्कमा छुट प्रदान गरिनु पर्ने उनिहरुको माग थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव