काठमाडौं-बैंकहरुले सीमित शाखा सञ्चालन गर्दा भीडभाड बढेको छ। अधिकांश बैंकहरुले उपत्यकाभित्र तीनरचार वटा शाखामात्रै सञ्चालनमा ल्याएका छन्।
थोरै शाखा सञ्चालन हुँदा लाइन बसेरै भए पनि ग्राहकहरु बैंकिङ सुविधा लिइरहेका छन्। बैंकहरुले डिजिटल बैंकिङ सुविधा लिन आग्रह गरे पनि उनीहरु बैंकको काउन्टरमै गएर लाइन बसेका हुन्। कतिपय बैंकहरुमा ग्राहकको लाइन कार्यालयभन्दा बाहिरसम्म आएका छन्।
अधिकांश शाखा कार्यालयमा प्राथमिक शेयरमा आवेदन दिनेको बढी भीड छ। प्राथमिक शेयरमा आवेदन दिन अनलाइन प्रणालीको विकास भए पनि ग्राहकहरु बैंकको शाखामा पुगेका हुन्। हाल तीन वटा कम्पनीले प्राथमिक शेयर निष्काशन गरेका छन्। लिवर्टीले निष्काशन गरेको आइपिओ आज बन्द हुँदै छ। त्यस्तै रिलायन्स लाइफ इन्स्योरेन्स र समाज लघुवित्त वित्तीय संस्थाले सोमबारसम्म निष्काशन गर्ने छन्।
अनलाइन प्रविधिबाट प्राथमिक शेयरमा आवेदन दिन मिल्ने भए पनि मेरो शेयर तथा सिआरएन नम्बर नभएका लगानीकर्ता बैंकमै पुगेका हुन्। मेरो शेयरबाट आवेदन दिन कम्तिमा पनि युजर नेम तथा पासवर्ड र सीआरएन नम्बर आवश्यक पर्छ।
तर कतिपय मर्चेन्ट बैंकहरुले मेरो शेयरको सुविधा लिन पहिलोपटक उपस्थित हुन बाध्य बनाएका छन्। त्यस्तै बैंकको सीआरएन नम्बर लिन बैंकमा पुग्नैपर्ने बनाएका छन्। अधिकांश बैंकहरुले सीआरएन नम्बरका लागि अनलाइन प्रणालीको विकास गरेका छैनन्। त्यसैले गर्दा मेरो शेयर तथा सीआरएन नम्बरका लागि पनि बैंकमै पुग्नुपर्ने बाध्यता छ। नेपाल राष्ट्र बैंकले आफ्ना सम्पूर्ण सेवालाई विद्युतीय बनाउन निर्देशन दिए पनि बैंकले पालना गरेका छैनन्।
बैंकका सीमित शाखाहरु सञ्चालन हुँदा पैसा राख्ने तथ झिक्ने ग्राहकका कारणले पनि भीडभाड बढेको हो।
यी बैंकका शाखा यति बजे खुल्छन्
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
