कोरोना महामारी : विश्वभर मृत्यु हुनेहरुको संख्या ८ लाख नाघ्यो

कोरोना अपडेट

नेपाल लाइभ आइतबार, भदौ ७, २०७७ ०६:३५

एजेन्सी–कोरोना संक्रमणबाट विश्वभर मृत्यु हुनेहरुको संख्या ८ लाख नाघेको छ। जोन्स हप्किन्स विश्वविद्यालयको पछिल्लो तथ्यांकअनुसार संक्रमणबाट मृत्यु हुनेहरुको संख्या ८ लाख २ हजार ६ सय ९३ पुगेको हो। हालसम्म विश्वभर २ करोड ३१ लाख २० हजार ८ सय ३० जना संक्रमित भएका छन् भने १ करोड ४८ लाख ४२ हजार ३ सय ८२ निको भएका छन्।

संक्रमणबाट सबैभन्दा बढी अमेरिकामा १ लाख ७६ हजार ३ सय २१ जनाको मृत्यु भएको छ । त्यहाँ संक्रमितको संख्या ५६ लाख ६४ हजार ८ सय ४८ पुगेको छ। अमेरिकामा सबैभन्दा बढी न्युयोर्कमा ३२ हजार ८ सय ६९ जनाको मृत्यु भएको छ।

यस्तै, ब्राजिलमा ३५ लाख ८२ हजार ३ सय ६२ संक्रमित र १ लाख १४ हजार २ सय ५० को मृत्यु, भारतमा २९ लाख ७५ हजार ७ सय १ संक्रमित र ५५ हजार ७ सय ९४ मृत्यु तथा मेक्सिकोमा ५ लाख ४९ हजार ७ सय ३४ संक्रमित र ५९ हजार ६ सय १० को मृत्यु भएको छ।