दक्षिण कोरियाद्वारा देशव्यापी निषेधाज्ञा जारी

कोरोना अपडेट

नेपाल लाइभ शनिबार, भदौ ६, २०७७ २२:०४

सिओल- दक्षिण कोरियाले कोरोना भाइरसका कारण देशव्यापी निषेधाज्ञाको घोषणा गरेको छ। कोरोना भाइरसको संक्रमण थप फैलिन नदिनका लागि केही गतिविधिहरुमा देशभरी निषेधाज्ञा जारी गरिएको अधिकारीहरुले जनाएका छन्।

सरकारले भेला हुन, रात्रीकालीन गतिविधिहरु गर्न, चर्च, खेलकुद तथा अन्य भिडभाड हुने ठाउँहरुका गतिविधिहरुमा रोक लगाएको छ।स्वास्थ्य मन्त्री पार्क नेउङ हुले शनिबारदेखि यस्ता गतिविधिहरुमा देशभरी नै रोक लगाइएको जानकारी दिएका हुन्।

दक्षिण कोरियामा कोरोना भाइरसको संक्रमण शनिबार थप ३ सय ३२ जनामा देखिएको पनि उनले बताए। नयाँ थपिएका सङ्क्रमितमध्ये अधिकांश राजधानी सोल महानगरपालिकाभित्र नै देखिएको पाइएको छ। दक्षिण कोरियामा कोरोना संक्रमितको संख्या पछिल्लो समय थप बढ्दै गएको पाइएको छ।

संक्रमण राजधानी बाहेक देशका अन्य ठूला सहरहरुमा पनि देखिएको स्वास्थ्य मन्त्री हुले जानकारी दिए। कतिपय प्रतिबन्धात्मक व्यवस्थाहरु भने सरकारले यसअघि पनि लागू गरिसकेको छ। अहिले त्यसमा केही थप प्रतिबन्धहरु लगाइएको यहाँको सरकारले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।