काठमाडौं–सरकारले विदेशबाट नेपाल आउन चाहने नेपालीलाई चार्टर तथा भदौ १६ गतेदेखि व्यावसायिक उडानमार्फत् नै नेपाल ल्याउने छ। अहिले पनि सरकारले विदेशमा अलपत्र परेका नेपालीलाई चार्टर उडानमार्फत् नेपाल ल्याइरहेको छ। कोरोना संक्रमण नियन्त्रणका लागि भन्दै सरकारले चैत ११ गेतबाट अन्तर्राष्ट्रिय उडान बन्द गरे पनि अहिलेसम्म चार्टर उडानमार्फत् ६० हजारभन्दा बढी नेपाली स्वदेश आइसकेका छन्।
विदेशमा रहेका नेपाली नेपाल आउने क्रम जारी छ। सरकारले कोरोना रोकथामकै लागि विदेशबाट आउने नेपालीले ७ दिन अनिवार्य रुपमा क्वारेन्टाइन बस्नुपर्ने निर्णय गरेको छ।
क्वारेन्टाइनको व्यवस्थापनकै लागि सरकारले गृहसचिवको नेतृत्वमा समितिसमेत गठन गरको छ। वैदेशिक रोजगार कल्याणकारी कोषको रकम खर्च गरी उद्धार गरिएका कामदारलाई सरकारले आफ्नै खर्चमा क्वारेन्टाइन राख्ने छ भने अन्यको हकमा आफ्नै खर्चमा क्वारेन्टाइन बस्नुपर्ने निर्णय सरकारको छ। क्वारेन्टाइन बस्नेले विदेशमा टिकट काट्दा नै होटल बुकिङका लागि रकम तिर्नु पर्ने हुन्छ। साथै कामदारले पिसीआर परीक्षणको नेगेटिभ रिपार्ट पनि पेस गर्नु पर्ने हुन्छ।
यस्तो छ होटलको रेट
पाँच तोर होटल– १ जनाले एउटा रुम प्रयोग गर्दा दैनिक ९ हजारका दरले ७ दिनको ६३ हजार तिर्नु पर्ने हुन्छ। यो रकम तिरेपछि अरु रकम तिर्न पदैन। यही रकमबाट ४ पटकभन्दा बढी खाना र खाजासमेत पाइने छ। तर, एउटै रुममा दुई जना बस्ने हो भने प्रतिदिन प्रतिव्यक्ति ६ हजारका दरले सात दिनको ४२ हजार रुपैयाँ लाग्छ।
४ तारे होटल– १ जनाले एउटामात्रै रुम प्रयोग गर्ने हो भने दैनिक ८ हजारका दरले सात दिनको ५६ हजार रुपैयाँ लाग्छ। यसैगरी एउटै रुममा दुई जना बस्ने हो भने प्रतिव्यक्ति प्रतिदिनको ५ हजार ५ सयका दरले सात दिनको ३८ हजार ५ सय रुपैयाँमात्रै लाग्छ। यही रकमबाट ४ पटकभन्दा बढी खाना र खाजासमेत पाइने छ।
३ तारे होटल– १ जनाले एउटा मात्रै रुम प्रयोग गर्ने हो भने प्रतिदिन प्रति रुम ६ हजारका दरले ६ हजार रुपैयाँका दरले ७ दिनको ४२ हजार रुपैयाँ तिर्नु पर्ने हुन्छ। तर, एउटा रुममा २ जना बस्ने हो भने प्रतिव्यक्ति प्रतिदिन ५ हजार रुपैयाँका दरले एक जनाले ३५ हजार रुपैयाँ तिरे पुग्छ। यही रकमबाट ४ पटकभन्दा बढी खाना र खाजासमेत पाइने छ।
२ तारे होटल– एक जनाले एउटामात्रै रुम प्रयोग गर्ने हो भने प्रतिदिन ५ हजार रुपैयाँका दरले ७ दिनको ३५ हजार रुपैयाँ लाग्छ। तर, एउटै रुममा २ जना बस्ने हो भने प्रतिदिन प्रतिव्यक्ति ३ हजार ५ सय रुपैयाँका दरले सात दिनको २४ हजार ५ सय रुपैयाँ लाग्छ। यही रकमबाट ४ पटक भन्दा बढी खाना र खाजा समेत पाइने छ।
१ तारे होटल– एक जनाले एउटा मात्रै रुम प्रयोग गर्ने हो प्रतिदिनको ४ हजार रुपैयाँका दरले ७ दिनको २८ हजार रुपैयाँ लाग्छ, तर, एउटै रुम दुई जनाले प्रयोग गर्ने हो भने प्रतिव्यक्ति प्रतिदिन २ हजार ५ सय रुपैयाँका दरले ७ दिनको १७ हजार ५ सय रुपैयाँ लाग्छ। यही रकमबाट ४ पटकभन्दा बढी खाना र खाजासमेत पाइने छ।
पर्यटकीय होटल– एक जनाले एउटा मात्रै रुम प्रयोग गर्ने हो भने प्रतिदिनको २ हजार ८ सयका दरले सात दिनको १६ हजार ८ सय रुपैयाँ लाग्छ। तर, एउटा रुम दुई जनाले प्रयोग गर्ने हो भने प्रतिदिन प्रतिव्यक्ति १ हजार ८ सय रुपैयाँका दरले ७ दिनको ९ हजार ८ सय रुपैयाँ लाग्छ। यही रकमबाट ४ पटकभन्दा बढी खाना र खाजासमेत पाइने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775122347.png)
