काठमाडौं- च्याम्पियन्स लिग फुटबलको फाइनलमा फ्रेन्च क्लब पिएसजी र जर्मन क्लब बायर्न म्युनिक खेल्ने भएका छन्। अहिलेसम्मका सबै खेल जितेको बायर्नले सेमिफाइनल खेलमा लियोनलाई ३-० ले हराएको हो। पहिलो सेमिफाइनलमा पिएसजीले लाइपजिगलाई ३-० ले नै हराएको थियो।
बुधबार राति भएको दोस्रो सेमिफाइनलमा गानब्रीले खेलको १८औँ र ३३औँ मिनेटमा गोल गरे। ८८औँ मिनेटमा लेवान्डोस्कीको गोलमा बायर्न ३-० ले विजयी भयो। खेलमा लियोनले पाएका गोलका राम्रा अवसर सदुपयोग गर्न नसक्दा पछि परेको हो। पहिलो १५ मिनेटमा नै राम्रा अवसर पाएका लियोनले त्यसपछिका अवसर पनि गोलमा परिणत गर्न सकेन।
क्वाटरफाइनलमा बार्सिलोनालाई ८ गोल हानेर बलियो देखिएको बायर्न प्रतियोगिताको प्रमुख दाबेदार टिम हो। पाँच पटक च्याम्पियन्स लिग जितेको बायर्न म्युनिक पाँचै पटक फाइनलमा पुगेर पराजित भएको इतिहास छ। यो सिजनमा अपराजित रहँदै गोलमा राम्ररी बढेको बायर्नलाई कसैले रोक्न सक्ला र जस्तो देखिएको छ।
पिएसजी भने यसपटक पहिलो च्याम्पियन्स लिग उपाधिका लागि नजिक पुगेको छ। अन्तिम १६ को पहिलो लेगमा बोरुसिया डोर्टमुन्डसँग २-१ ले हार्दा पिएसजीको निकै आलोचना भएको थियो। तर दोस्रो लेगको खेलमा २-० ले जित्दै पिएसजी खेलमा फर्कियो। जसमा नेमार र बेर्नाटले गोल गरेका थिए।
त्यस्तै अवस्था क्वाटरफाइनलमा पनि देखियो। एटलान्टासँग पहिलो हाफमा १-० ले पछि परेको पिएसजीले अन्तिम समयमा दुई गोल गर्दै सेमिफाइनल पक्का गरेको थियो। जहाँ माक्विनहस र मोटिङले गोल गरेका थिए। त्यसअघि समूह चरणको खेलमा पिएसजीको लय अझ उत्कृष्ट देखिएको थियो।
फाइनल खेल नेपाली समयअनुसार आइतबार राति पौने १ बजे हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
