कोरोना महामारी : विश्वभर संक्रमितको संख्या २ करोड १८ लाख, ७ लाख ७२ हजारको मृत्यु

कोरोना अपडेट

नेपाल लाइभ मंगलबार, भदौ २, २०७७ ०६:२४

एजेन्सी–कोरोनाबाट विश्वभर संक्रमित हुनेहरुको संख्या २ करोड १८ लाख नाघेको छ।

जोन्स हप्किन्स विश्वविद्यालयको पछिल्लो तथ्यांकअनुसार संक्रमितको संख्या २ करोड १८ लाख ८ हजार १ सय ९७ पुगेको हो। हालसम्म विश्वभर ७ लाख ७२ हजार ४ सय ५२ जनाको मृत्यु भइसकेको छ भने १ करोड ३७ लाख ९९ हजार ७ सय २८ जना संक्रमणमुक्त भएका छन्।

अमेरिकामा सबैभन्दा बढी ५४ लाख ३५ हजार ९ सय ८ जना संक्रमित भएका छन् भने १ लाख ७० हजार ४ सय ५३ जनाको मृत्यु भएको छ। यस्तै, ब्राजिलमा ३३ लाख ५९ हजार ५ सय ७० संक्रमित र १ लाख ८ हजार ५ सय ३६ को मृत्यु, भारतमा २६ लाख ४७ हजार ६ सय ६३ संक्रमित र ५० हजार ९ सय २१ को मृत्यु र रुसमा ९ लाख २५ हजार ५ सय ५८ संक्रमित र १५ हजार ९७ जनाको मृत्यु भएको छ।