अमेरिकामा कोरोनाबाट मृत्यु हुनेको संख्या १ लाख ६९ हजार, यी हुन् बढी मृत्यु हुने ५ राज्य

कोरोना अपडेट

नेपाल लाइभ आइतबार, साउन ३२, २०७७ ०६:२४

एजेन्सी–अमेरिकामा कोरोना भाइरस संक्रमणबाट मृत्यु हुनेको संख्या १ लाख ६९ हजार नाघेको छ। जोन्स हप्किन्स विश्वविद्यालयको तथ्यांकअनुसार संक्रमणबाट हालसम्म १ लाख ६९ हजार ४ सय २३ जनाको मृत्यु भएको हो।

अमेरिकामा हालसम्म ५३ लाख ५६ हजार २ सय ४४ जना संक्रमित भएका छन्।

अमेरकामा सबैभन्दा बढी मृत्यु न्युयोर्कमा भएको छ, जहाँ ३२ हजार ८ सय २३ जनाको मृत्यु भएको छ भन ७४ हजार ८१ जना निको भएका छन्। न्युयोर्कमा ८९ हजार ९ सय ९५ जना अस्पताल भर्ना भएका छन्।

यस्तै, न्युजर्सीमा १५ हजार ९ सय १० को मृत्यु र ३४ हजार ७४ जना अस्पताल भर्ना भएका छन्। क्यालिफोर्नियामा ११ हजार १ सय ८७ मृत्यु, टेक्सासमा १० हजार २ सय ६८ को मृत्यु र फ्लोरिडामा ९ हजार ३ सय ४५ को मृत्यु भएको छ।

अमेरिकन समोआ र डायमन्ड प्रिन्सेसमा भने हालसम्म एक जनाको पनि मृत्यु भएको छैन।