मुलुकी अपराध संहिता एक टिप्पणी पुस्तक सार्वजनिक

समाचार

नेपाल लाइभ सोमबार, साउन २६, २०७७ १७:२९

काठमाडाैं- मुलुकी फौजदारी संहितालाई सरलीकृत गर्दै यसको अभ्यासको विश्लेषणसहितको मुलुकी अपराध संहिता एक टिप्पणी पुस्तक विमोचन भएको छ। सर्वाेच्च अदालतका उपरजिष्ट्रार विष्णुप्रसाद पाण्डेयद्वारा लिखित पुस्तक ‘मुलुकी अपराध संहिता एक टिप्पणी’ सोमबार सर्वोच्च अदालतमा आयोजित एक कार्यक्रममा सार्वजनिक गरिएको हो।

फौजदारी कसुरसम्बन्धी परम्परागत कानुनलाई आवश्यक परिमार्जन र संशोधनसहित विश्वव्यापी रुपमा देखापरेका नयाँ प्रकृतिका कसुरहरुलाई अपराधीकरण गरी संहिताबद्ध कानुनको रुपमा जारी मुलुकी अपराध संहिताको टिप्पणीसहित पुस्तकमाथि बोल्दै सर्वोच्च अदालतका मुख्य रजिष्ट्रार नृपध्वज निरौलाले यस्ता पुस्तकले कानुन बुझ्न सहज हुने बताए। विमोचन कार्यक्रममा मुख्य रजिष्ट्रार निरौलाले विश्वव्यापीकरणको कारणले एक राष्ट्रको गतिविधि तथा क्रियाकलापले अर्को राष्ट्रलाई असरपर्ने भएकाले समाज, राष्ट्र र अन्तर्राष्ट्रिय परिवेशले पनि राष्ट्रको कानुनमा समायानुकूल परिवर्तनको अपरिहार्यता ल्याउने बताए।

उनले पुस्तक मुलुकी अपराध संहिता एक टिप्पणी केही वर्ष अघि मात्र जारी भई लागू भएको मुलुकी फौजदारी संहितालगायतका कानुनमा भएका प्रबन्ध समेटेर टिप्पणी भएकाले सान्दर्भिक रहेको बताए। विमोचित पुस्तकमाथि टिप्पणी गर्दै नायब महान्यायाधिवक्ता पदमप्रसाद पाण्डेय फौजादारी संहिताको सैद्धान्तिक विषय, संहिताको व्यवस्था, संवैधानिक व्यवस्था, अन्तर्राष्ट्रिय अभ्यास र सर्वोच्च अदालतले गरेको व्याख्यासम्म उल्लेख भएकाले कानुन बुझ्न चाहानेका लगि उपयोगी पुस्तक रहेको बताए।

टिप्पणी गर्दै अधिवक्ता दीनमणी पोखरेलले मुलुकी फौजदारी संहिताको अवधारणा, व्यवस्था र व्याख्यासहितको पुस्तक प्रकाशन भएकाले कानुन व्यवसायीका लागि अत्यन्तै उपयोगी रहेको बताए। लेखक पाण्डेद्वारा प्रकाशित पुस्तक मुलुकी अपराध संहिता एक टिप्पणी अन्तर्राष्ट्रिय स्तरमा भएका विभिन्न महासन्धिहरुको पक्ष बनी नेपालको लागि सिर्जना भएको कार्यान्वयनको दायित्व समेत उल्लेख छ।

सर्वोच्च न्यायालयले बिगतका घटना, मुद्दाका आधारमा दिएको भविष्यपरक दृष्टिकोण तथा समाजको विकाससँगै देखा परेका नयाँ घटना तथा गतिविधिहरुलाई अपराधको रुपमा परिभाषित गरी सजायको प्रबन्ध गर्न बाञ्छनीय भएको पुस्तकमा उल्लेख गरिएको छ। मुलुकी फौजदारी संहिता जारी भएको बिषय र फौजदारी संहिताको व्यवस्थाको प्रत्येक दफामा टिप्पणी गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

तीनकुनेमा पछाडिबाट आएको गाडीले ठक्कर दिँदा एकको मृत्यु, तीन जना घाइते

प्रतिनिधि सभाको बैठक बस्दैः नीति तथा कार्यक्रममाथिको छलफल जारी रहने

भारतको हवाई आक्रमणबाट पाकिस्तानमा मृत्यु हुनेको संख्या ३१ पुग्यो