भारतमा ६२ हजार संक्रमित थपिए, एकै दिन १ हजारभन्दा बढीको मृत्यु

कोरोना अपडेट

नेपाल लाइभ सोमबार, साउन २६, २०७७ ०६:२७

एजेन्सी–भारतमा आइतबार पनि मृत्यु हुनेहरुको संख्या ६२ हजार नाघेको छ। आइतबार २४ घण्टामा ६२ हजार १ सय १७ संक्रमित थपिएका हुन्।

सबैभन्दा महाराष्ट्रमा १२ हजार २ सय ४८ संक्रमित थपिएका छन् भने ३ सय ९० जनाको मृत्यु भएको छ। त्यहाँ संक्रमितको संख्या ५ लाख १५ हजार ३ सय ३२ पुगेको छ भने १७ हजार ७ सय ५७ जनाको मृत्यु भइसकेको छ।

यस्तै आन्ध्रप्रदेशमा १० हजार ८ सय २० संक्रमित थपिएका छन् भने थप ९७ जनाको मृत्यु भएको छ। त्यहाँ २ लाख २७ हजार ८ सय ६० जना संक्रमित भएका छन् भने मृत्यु हुनेको संख्या २ हजार ३६ पुगेको छ।

भारतमा कूल संक्रमितको संख्या २१ लाख ५३ हजार १० पुगेको छ भने ४३ हजार ३ सय ७९ जनाको मृत्यु भइसकेको छ। आइतबार एकै दिन मृत्यु हुनेको संख्या १ हजार १३ पुगेको छ। हालसम्म १५ लाख ३४ हजार २ सय ७८ जना निको भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।